O Dépor ABANCA puxo o punto e final á pretemporada cun último partido amigable disputado no Estadio 1º de Maio de Braga (Portugal) e o fixo diante un dos equipos máis potentes da liga BPI: o Sporting Braga Feminino. O resultado foi unha derrota para as branquiazuis por 4-1 ante as lusas.
O seguinte chanzo para as de Miguel Llorente será xa en partido oficial. A vindeira fin de semana teñen ante si o arranque ligueiro na Liga Reto Iberdrola. Será na Cidade Deportiva de Abegondo recibindo ao FC Barcelona B.
As portuguesas, terceiras na pasada campaña, chegaron ao choque diante o Dépor ABANCA, último tamén antes de arrincar a liga lusa, despois dunha vitoria contundente ce o Lank Vilaverdense (5-0).
As afinações finais estão . Liga BPI, we’re waiting for you
SC Braga 4️⃣-1️⃣ Deportivo da Corunha pic.twitter.com/74pvXt4rsj
— SC Braga (@SCBragaOficial) August 28, 2021
Pola súa banda, as branquiazuis presentábanse na cidade lusa despois dunha derrota pola mínima diante o Oviedo Moderno CF (0-1), nun partido que puido caer ao lado de calquera dos dous equipos. Miguel Llorente recuperou a Ainhoa Marín, que foi titular; aínda que non puido contar por lesión con María Sampalo e Eva Dios, ademais de Laura Fernández.
A pesar de ser un amigable, o encontro foi de alta intensidade sobre todo por parte dun Sporting Braga agresivo en moitas partes do encontro. Ao descanso chegouse con igualada e foi na segunda parte cando as portuguesas acertaron coa meta deportivista.
Jone Ibáñez ‘ Ibi’ anotou polo Dépor ABANCA co tempo case cumprido.
Logo deste partido, o plantel do Dépor ABANCA que adestra Miguel Llorente conta con dous días de descanso, segundo informa o club coruñés.
Xogadoras coas que contou o Dépor ABANCA neste amigable
RC DEPORTIVO ABANCA: Ana Vales, Cris, Inés Altamira, Raquel García, Patri López, Paula Gutiérrez, Alba Merino, Jone Ibáñez ‘ Ibi’, Carlota, Ainhoa Marín e María Ruiz. Tamén xogaron: Reigosa, Paula Novo, Tati, Alejandra Serrano ‘ Ale’, Goretti e Aroa.
