O Dépor ABANCA reencontrouse consigo mesmo e está a iniciar unha boa racha de vitorias. Tras un inicio de tempada para o olvido, as branquiazuis lograron vencer ao Eibar e ao EDF Logroño. Agora, viaxa a Madrid para lograr a terceira ante o Madrid CFF.
As madrileñas veñen dunha derrota ante o Atlético de Madrid. Pero antes dese partido, venceron con comodidade ao Valencia FCF e ao Rayo Vallecano. Con 18 puntos, o Madrid ocupa a sétima posición na táboa da Liga Iberdrola.
Un rival que o técnico branquiazul, Manu Sánchez, ve “nun gran momento de forma, de resultados. Está moi ben traballado, moi ben conjuntado. Está a saírlles todo. Imos tentar porllo difícil e sacar algo positivo para nós”.
Pola contra, o Dépor ABANCA segue na parte baixa, aínda que xa abandoou a posición de colista. Con seis puntos no seu haber, as herculinas comezan a ver a luz ao final do túnel.
Para o cruce son baixa Kenni e a porteira Sullastres que levan tempo lesionadas, así como Alba Merino que está sancionada por acumula de cartóns.
Esta é a convocatoria para o partido en terras madrileñas:
Este será o penúltimo encontro oficial antes do parón de Nadal, xa que o martes 22 recibirán ao FC Barcelona en Abegondo.
Manu Sánchez: “Mudou o estado de ánimo das xogadoras, ven o capaces que son”
