Ascenso para dous equipos galegos da Terceira á Segunda Federación. O filial do Depor ABANCA e As Celtas xogarán na categoría de prata do fútbol feminino estatal a vindeira tempada. No caso das coruñesas foron ademais campioas da categoría. Queda por ver se o Sárdoma CF segue os pasos de coruñesas e viguesas e tamén sube un chanzo.
O fútbol feminino coruñés e vigués están de celebración. O RC Deportivo Abanca B e As Celtas, no seu primeiro ano de existencia, xogarán a próxima tempada na Segunda Federación.
O filial herculino certificou o ascenso na xornada 29 tras golear a domicilio ao CD Bovedana, mentres que o conxunto olívico das Celtas pechouno esta pasada fin de semana, tamén lonxe de Vigo, ao golear ao Real Valladolid Simancas.
Así foi o ascenso e título do Dépor ABANCA B
O Dépor ABANCA B culminou unha gran temporada ao vencer por 1-5 ao CD Bovedana en partido correspondente á 29ª xornada no grupo 1º de Tercera Federación e, a falta dun partido, lograr un histórico ascenso a Segunda Federación.
Decidiron os goles de Laura Otero, Carmen Carballada, Laura Ruiz, Michi Apóstol e Laura Santos ante un rival instalado na zona media da táboa pero moi forte ante os seus.
Ademais, o triunfo do RC Celta sobre o Olímpico de León, á mesma hora na Madroa, supuxo ao cabo o título de liga para os branquiazuis posto que o Dépor ABANCA B alcanzaba os 76 puntos por 72 agora das celestes e 71 das leonesas.
Após o asubío final desbordouse a alegría entre xogadoras e técnicos sobre o mesmo céspede do Complexo Municipal de Bóveda de Toro. Houbo camisetas conmemorativas, cánticos, bailes e pousado para a historia, segundo informa o RC Deportivo.
Nese partido para a historia do filial branquiazul xogaron polo Dépor ABANCA B: Martina, Vázquez, Elena Vázquez, Michi Apóstol, Carmen Carballada, Laura Otero, Marta Rico, Lucía Mariño, Noelia Mayo, Paula Monteagudo e Laura Ruiz. Tamén xogaron: Emma Gandoy, Dunia Dahmouni, Laura Santos, Yanis Citoula e Paula Martínez.
O #DéporABANCAB é de 2ª RFEF!!! pic.twitter.com/dnmixLEB2Z
— Dépor ABANCA (@RCDeportivoFem) April 27, 2025
Os resultados Dépor ABANCA B ate acadar os ascenso e o título foron son os seguintes:
- CD Villa de Simancas 2 – Dépor ABANCA B 2 (Laura Ruiz e Lucía Mariño)
- Dépor ABANCA B 3 (Michi Apóstol, Dunia Dahmouni e Paula Novo) – Victoria FC 0
- Sárdoma CF 0 – Dépor ABANCA B 2 (Carmen Carballada e Laura Otero)
- Dépor ABANCA B 1 (Paula Monteagudo) – CD Lugo 0
- Sporting de Gijón B 0 – Dépor ABANCA B 2 (Paula Monteagudo e Paula Novo)
- Deportivo ABANCA B 14 (Laura Otero -3-, Michi Apóstol -2-, Paula Monteagudo -5-, Anfal El Yamani, Laura
- Santos, Laura Ruiz e unha futbolista rival en propia meta) – CD Romanón 0
- Olímpico de León 0 – Deportivo ABANCA B 4 (Michi Apóstol -2-, Laura Santos e Laura Otero)
- Deportivo ABANCA B 1 (Anfal El Yamani) – RC Celta 1
- Victoria CF 0 – Deportivo ABANCA B 0
- Deportivo ABANCA 12 (Anfal El Yamani -6-, Noe Mayo, Paula Novo -2-, Dunia Dahmouni -2- e Ana Capelo) – Bergantiños CF 0
- Lóstrego CF 1 – Deportivo ABANCA B 1 (Laura Otero)
- Deportivo ABANCA B 4 (Michi Apóstol, Anfal El Yamani e Paula Monteagudo -2-) – PM Friol 0
- Real Oviedo B 0 – Deportivo ABANCA B 4 (Paula Monteagudo -3- e Laura Otero)
- Deportivo ABANCA B 6 (Paula Monteagudo -2-, Laura Otero -2-, Michi Apóstol e Noe Mayo) – CD Bovedana 0
- CD Parquesol 0 – Deportivo ABANCA B 9 (Michi Apóstol -2-, Sara Cercido, Paula Novo -2-, Elena Vázquez, Ana Capelo, Redru e Yanís Citoula)
- Deportivo ABANCA B 3 (Michi Apóstol -2- e Laura Otero) – CD Villa de Simancas 1
- Victoria FC 0 – Deportivo ABANCA B 3 (Paula Novo, Anfal El Yamani e unha futbolista rival en propia meta)
- Deportivo ABANCA B 2 (Laura Otero e Vázquez) – Sárdoma CF 1
- CD Lugo 0 – Deportivo ABANCA B 1 (Michi Apóstol)
- Deportivo ABANCA B 8 (Michi Apóstol, Anfal El Yamani -3-, Lucía Mariño -2-, Laura Otero e Yanis Citoula) – Sporting de Gijón B 0
- Deportivo ABANCA B 0 – Olímpico de León 1
- RC Celta 1 – Deportivo ABANCA B 2 (Laura Otero e Marta Rico)
- Deportivo ABANCA B 3 (Laura Otero e Michi Apóstol -2-) – Victoria CF 0
- Bergantiños CF 1 – Deportivo ABANCA B 2 (Paula Monteagudo e Elena Vázquez)
- Deportivo ABANCA B 3 (Paula Monteagudo -2- e Lucía Mariño) – Lóstrego CF 0
- PM Friol 1 – Deportivo ABANCA B 2 (Michi Apóstol e Lucía Mariño)
- Deportivo ABANCA B 11 (Laura Otero -2-, Michi Apóstol -5-, Paula Monteagudo, Marta Rico, Laura Ruiz e Dunia Dahmouni) – Real Oviedo B 0
- CD Bovedana 1 – Deportivo ABANCA B 5 (Laura Otero, Carmen Carballada, Laura Ruiz, Michi Apóstol e Laura Santos)
A celebración das Celtas
As Celtas viviron unha xornada inesquecible para celebrar o seu merecido e histórico ascenso directo a Segunda Federación, logrado tan só un ano despois do seu nacemento. Un éxito que consolida este ambicioso proxecto celeste e que foi homenaxeado como se merece en pleno corazón da cidade de Vigo, relatan desde o RC Celta de Vigo.
A celebración polo ascenso das Celtas comezou no Concello onde o alcalde, Abel Caballero, recibiu a todo o equipo e corpo técnico para felicitalas persoalmente e mostrarlles todo o seu orgullo por alcanzar este logro que é toda unha alegría para a cidade. Un acto no que tamén estiveron presentes Marián Mouriño, presidenta do RC Celta; varios conselleiros do club e Carlos Cao, director de infraestruturas e relacións institucionais da entidade celeste.
Isto é fermoso pic.twitter.com/tRYK9ZlRh5
— As Celtas (@AsCeltas) May 5, 2025
Posteriormente, a festa trasladouse a Pórta do Sol onde decenas de celtistas esperaban para arroupar ás grandes protagonistas do día. Un día espléndido nunha tarde de maio, solleira e alegre, que estivo marcada por un ambiente festivo e moi celeste. A música do DJ deu paso a unha calorosa e sonora ovación á chegada de As Celtas.
A adestradora do conxunto celeste, Vicky Vázquez, foi a primeira en tomar a palabra para agradecer tanto agarimo. Acto seguido, foi a quenda das capitás Muñi, María Calvar, María Figueroa e Lara Martínez que se dirixiron á afección para mostrar o seu agradecemento e destacar o importante que foron para elas xornada tras xornada.
LUUUUUME pic.twitter.com/SiBfKwJeIX
— As Celtas (@AsCeltas) May 5, 2025
Ao son de “Oliveira dos Cen Anos” poñíase broche de ouro para unha tempada máxica para As Celtas.
A nosa #OliveiraDosCenAnos para pechar un día inesquecible co ascenso de @AsCeltas.
Este proxecto é todo grazas a vós, celtismo! pic.twitter.com/XKS7nv7g4a
— RC Celta (@RCCelta) May 5, 2025
O Sárdoma, a polo ascenso vía play-off
O Sárdoma CF pechou o curso regular no podio: terceiro tras vencer por 3-1 ao Oviedo B, superando no golaveraxe xeral ao Olímpico de León, que acaba cuarto. As de Toni Martínez xogarán a eliminatoria de ascenso por méritos propios.
O Sárdoma CF medirase agora neste play-off de ascenso a Segunda Federación ao Real Betis B, o peor dos dous cuartos clasificados con 67 puntos (o outro, o Olímpico leonés, con 73) a dobre partido, tal e como informa a RFGF.
Nosas máis sinceras felicitacións ao Rc. Deportivo Coruña Femenino e As Celtas polo ascenso a 2ªRFEF .
O Sárdoma de Vigo clasifícase 3º e deberá xogar play off á fase de ascenso.
Orgullo inmenso de equipo e afección#galiciacalidade— Sardoma de Vigo C.F. (@SardomaCdF) May 4, 2025
