A pretemporada 2023-34 do Dépor ABANCA vai tomando forma a menos dun mes para o seu comezo.
O cadro que prepara a técnica madrileña Irene Ferreras está citado o luns 24 de xullo para a realización das probas médicas no Hospital Quirón Salud A Coruña e posterior presentación e probas físicas na Cidade Deportiva de Abegondo. O 25 de xullo comezará o traballo no campo co primeiro adestramento.
As datas dos amigables de verán xa pechadas para o Dépor ABANCA son:
- Sábado 5 de agosto | XI Trofeo Teresa Herrera (ABANCA-RIAZOR), rival pendente de presentación do Trofeo
- Sábado 12 de agosto | Amigable (Cidade Deportiva de Abegondo), rival por determinar
- Venres 18 de agosto | Amigable (Guimarães), rival por determinar
- Martes 22 de agosto | Amigable (San Claudio, Oviedo), Real Oviedo – Dépor ABANCA
- Sábado 26 (ou domingo 27) de agosto | Amigable (campo neutral por definir), Dépor ABANCA – SD Eibar
- Sábado 2 de setembro | Amigable (campo neutral por definir), rival por determinar
O Dépor ABANCA conta con 15 futbolistas
O conxunto branquiazul conta nestes momentos con quince futbolistas nas súas filas para a campaña 2023-24 na que dirixirá o banco outro ano máis como adestradora, Irene Ferreras. Renovaron contrato con As Nosas deportivistas as deportistas Lucía Alba, Henar Muiña e Cris Martínez durante o curso 2022-23.
Producíronse hai pouco as ampliacións de contrato das futbolistas Millene, Raquel García, Charle, Carlota Sánchez e Samara. Mentres que xa eran xogadoras con contrato en vigor as seguintes: Inés Altamira, Paula Gutiérrez, Ainhoa Marín e Carlota Suárez.
Neste curso, no que o ascenso volve ser o obxectivo, o Dépor ABANCA levou a cabo as fichaxes das deportistas Clara Rodríguez (FC Barcelona B), que xoga como lateral esquerda, Laurina (Real Betis Féminas), que ocupa a posición de extremo esquerda, puidendo moverse en calquera posto ofensivo, e Sara Debén (Fundación Albacete Femenino), que xoga como central ou lateral esquerda.
A todas elas poderán sumarse, segundo o considere Irene Ferreras, futbolistas da canteira deportivista.
