O Dépor ABANCA que adestra Irene Ferreras arrincará a tempada 2022/2023 na Primera Federación xogando como local contra o Rayo Vallecano de Madrid SAD. A última xornada a disputarán fóra da casa contra do DUX Logroño. Así o determinou o sorteo do calendario dunha competición ligueira que dará inicio a segunda fin de semana de setembro e contará con 30 xornadas de competición regular.
Os equipos que competirán nesta categoría da Primera Federación na que militará o Dépor ABANCA son:
- FC Barcelona “B”
- Dux Logroño
- SE AEM
- Oviedo Moderno CF
- RC Deportivo ABANCA
- Rayo Vallecano de Madrid SAD
- SD Eibar SAD
- CD Juan Grande Ginelux
- Athletic Club “B”
- Cacereño Femenino
- CDF Osasuna Femenino
- Córdoba CF
- UDG Tenerife “B”
- Granada CF SAD
- RCD Espanyol de Barcelona SAD
- CD Alba Fundación Femenino
As 30 xornadas da fase regular da competición na Primera Federación comenzarán a fin de semana do 10 e 11 de setembro. O punto final á esta fase da Liga na Primera Federación finalizará o 14 de maio.
Posteriormente as dúas siguintes fins de semana, 21 e 28 de maio, será a quenda de loitar polo ascenso á Primera División de Fútbol Femenino para aqueles clubs que fosen quen de meterese nos play-off de ascenso.
Esa é a aspiración do Dépor ABANCA que este ano vén de conformar un bloque con xogadoras experimentadas que está ás ordes de Irene Ferreras, a primeira muller en adestrar ao primeiro equipo do Dépor ABANCA. Ferreras ten como segunda a Cris Oreiro, unha adestradora moi coñecida no fútbol galego e nomeadamente no coruñés e que chega ao club branquiazul logo de acadar moi boas cifras á fronte do banco das cebras do Victoria.
A Primera Federación do FutFem español, estrea nova imagen con vistas a esta nova temporada. A competición ten novo logo e novas cores co laranxa e o morado para buscar que a afección poida identificar claramente a competición da Primera Federación de Fútbol Femenino a golpe de vista.
