O Atlético Guardés comeza a configuar o seu plantel para a vindeira tempada coa fichaxe de Deborah Hannah Pontes Nunes. A central brasileira mostrouse “moi feliz” de poder vivir esta nova experiencia e desexa “contribuir ao equipo para alcanzar os máximos obxectivos posibles”.
A xogadora, de 28 anos, conta con experiencia como internacional e no HC Astrakhanochka, co que competiu na tempada 2019/2020 e tamén ten experiencia co Unip-São Bernardo do seu país natal. Na presente campaña, a COVID-19 truncou os plans competitivos.
Para o seguinte curso, o Atlético Guardés contará cunha Nunes que é ouro mundial, obtido no campionato de Serbia do 2013. Nese mesmo ano, quedou campioa con Brasil no Panamericano, un título que reconquistou no 2010 e no 2012, en diferentes categorías.
