O vindeiro domingo 23 de outubro, na localidade de Pinto recibirá a participación de atletas galegas e galegos na disputa do Campionato de España de 5K en atletismo en ruta.
Ata a localidade madrileña de Parla acudirán un total de dez atletas másters para tomar parte na primeira edición do Campionato de España de 5K en ruta. Entre as atletas galegas que acuden a esta cita atópanse a santiguesa Esther Pedrosa que parte como favorita na súa categoría F60 logo do seu recente título de España de Milla en pista da pasada semana.
Outro dos destacados deportistas da nosa comunidade que afrontarán esta 5K serán Pablo Fervenza do Samertolameu, quen tamén a pasada fin de semana proclamábase campión de España dos 10.000 m. e da Milla, proba esta última na que lograba ademáis un novo récord de España. Xunto eles, o medalla de bronce nacional na Milla M40 Amador Pena do S.D.Compostela, completará a punta de lanza da expedición galega.
Tamén estarán compitindo en Parla neste Campionato de España de 5K en ruta: Elena Ledo do ADAS CUPA, Angeles Ripoll do C.A.Sada, Begoña de Arriba e Marcelo Vasques do Egovarros, Juan Negreira do C.A.Sar, Manuel Paredes do Barbanza e Emilio García da S.D. Compostela.
Organizado pola RFEA en colaboración coa Federación Madrileña de Atletismo, o Ayuntamiento de Pinto (Madrid) e o club Running-Pinto Clínica Dental Seoane-Pampín esta edición presenta grandes alicientes sobre un rápido circuíto polas rúas desta localidade madrileña onde se vai dar unha volta a un recorrido asequible, con pouco desnivel e salida (10:00 horas) e meta situada no interior do Parque Municipal de Pinto e hora de única salida ás 10:00 horas.
Entre as atletas destacadas nesta competición figura a galega Esther Pedrosa en F20, pero tamén deportistas doutras latitudes como Concepción Hidalgo, María Isael Martínez e Tamara Sanfabio (F40), Pilar Fernández e a tamén líder do equipo local Lucía Morales en F45, Arancha Tejero en F50, Antonia Álvarez e María del Carmen Llorena en F55, Milagros Álvarez e unha das grandes referencias do atletismo máster: Consuelo Alonso en F70, internacional e pioneiras do atletismo feminino nos anos 60 e 70.
