O Celta Zorka Recalvi segue conformando o seu plantel para disputar a LF Challenge na tempada 2021/2022 e renova a dúas das súas xogadoras. Marita Davydova e Ángela Coello seguirán vinculadas á entidade celeste un ano máis.
Este será o segundo ano da rusa vestindo a camiseta celeste, despois de chegar a Vigo a pasada campaña, procedente do Baloncesto Leganés. No curso 2020/2021, Davydova foi autora de case 300 puntos en 26 partidos da fase regular e dous da fase final, ademais de sumar máis de 760 minutos en pista.
A pivote tivo un acerto do 66,9% desde o tiro libre e un promedio de 16,5 puntos de valoración por partido. Estas cifras convertérona na xogadora mellor valorada do Celta á fin da fase regular. Ademais, Davydova alcanzou 232 rebotes totales, sendo a máxima reboteadora do equipo e unha das mellores da LF2. Tamén sumou 42 asistencias e 15 balóns roubados.
Pola súa banda, a galega Ángela Coello cumprirá a súa cuarta tempada como profesional no Celta, equipo co que xa xogou na LF2 na 2015/2016 e desde a tempada 2019/2020, ás súa volta dos EUA. Neste último curso, a pivote competiu en 28 partidos, con máis de 450 minutos na cancha, nos cales anotou 154 puntos.
A viguesa tivo un promedio de acerto do 53,8% nos tiros de dous e do 80,6% nos tiros libres, tendo unha media de valoración de 5,5 puntos por encontro. Nas estatísticas xerais do equipo, Coello foi a segunda máxima anotadora nos tiros de dous, só por detrás de Celia García, outra das renovacións celestes.
Celia García e Mariona Martín renovan co Celta Zorka Recalvi
