O Arenal Emevé ten nova defensora para a súa muralla. Darlevis Mosquera formará parte do equipo de José Valle no curso 2021/2022. A xogadora colombiana chega a Lugo chamada a ser unha das referencias na posición de central na Liga Iberdrola.
Segundo o seu novo adestrador, Mosquera é “unha xogadora rápida, atlética, que nos axudará moito no balance bloqueo-defensa. Esperemos que se convirta nunha das centrais punteiras desta Liga”, apunta.
Internacional absoluta co seu país, Mosquera conta no seu palmarés cun campionato dos Juegos Sudamericano (2018), o Campeonato Sudamericano (2019), a Challenger Cup do 2018 e conta cun bronce da Copa Panamericanab (2019) e outro dos Juegos Bolivarianos (2017). A central chega a terras lucenses procedente do CD Aves portugués, na que foi a súa primeira experiencia europea. Co equipo luso acadou a quinta praza do campionato de Portugal.
Mosquera aviva as esperanzas do Emevé
José Valle recalca como a incorporación de Mosquera serve para reforzar a posición de central. Tamén será clave no ataque, un dos puntos débiles das galegas. “Non é unha xogadora excesivamente grande, pero ten unha moi boa capacidade de salto e un brazo moi rápido. Contamos con que nos de moitas alegrías e axude a mellorar a efectividade que necesitamos en ataque”, subliña o técnico.
O adestrador recorda que ao longo da tempada, o Emevé traballou moito o aspecto defensivo, pero o conxunto segue a ter problemas en ataque. “Fáltanos esa efectividade”, explica.
Pola súa condición de internacional, Darlevis Mosquera non se incorporará á dinámica do equipo ata o 15 de setembro, xa que antes disputará o Panamericano.
A colombiana é a cuarta incorporación do club lucense para a próxima tempada, tras a chegada de Yael Castiglione, Jimena Fernández e Eliana González. Además, as loitadoras Inés Rivas, Julia Paradela, Inma Lavado, Sara Urrea, Marta Otero, Lidia FIlgueira, Ainara Burgo e Carolina Camino seguirán vestindo a camiseta do equipo galego.
