O debut de Dany coa camiseta da Selección Española de futsal non tivo celebración. O combinado estatal disputou un amigable co Futsi Atlético Navalcarnero, co club madrileño como vencedor por un 4-5.
O encontro celebrouse o mércores, 21 de abril, como parte da concentración da Selección para preparar o próximo Europeo.
Pons aposta polo talento do futsal galego
O cadro da seleccionadora Clàudia Pons saltaba á pista cun cinco inicial con ampla presenza galega. Caridad, do Poio Pescamar, e Peque e Dany, do Pescados Rubén Burela, foron titulares xunto con Noe e Irene Samper.
Nas primeiras xogadas, as vermellas lograron adiantarse no marcador con gol de Ame Romero, pero un erro da ourensá Vane Sotelo, xogadora da AD Alcorcón, rematou cun gol en propia porta, empatando o partido.
A porteira das españolas, Caridad, salvou en máis dunha ocasión posibles tantos das madrileñas, pero non puido facer nada por evitar unha volea no remate de Becha tras a saída dun córner.
Na segunda metade, uns minutos despois da reanudación, Dany protagonizaba o gol das españolas cun pase ao segundo pao para que Ana Luján fixera gol.
No seguinte tanto das españolas, despois de que Caridad recibise o gol de Irene Córdoba, de novo a debutante da Selección foi fundamental. Desta vez, Dany foi a propia autora da diana, colocando ao seu equipo por riba, cun 4-3.
Porén este foi o último gol das españolas, xa que nos minutos finais do partido Becha empatou o encontro e Balbuena rematou a vitoria do Futsi no último minuto.
📹 RESUMEN | La @SeFutbolFem Sala ha peleado hasta el final su partido ante @futsi_atletico, pero la suerte no ha estado de su lado. ¡Ánimo equipo! 🇪🇸 ⚽ ⚔️
➡️ Crónica: https://t.co/GWfhk7kXKS pic.twitter.com/ZSJ8tEfJJq
— Selección Española Femenina de Fútbol (@SeFutbolFem) April 21, 2021
FICHA TÉCNICA
SELECCIÓN ESPAÑOLA: Caridad, Noe, Peque, Irene Samper e Dany -cinco inicial-. Tamén xogaron: Cristina, Elenita, Amelia Romero, Ana Luján, Irene Córdoba, Ale de Paz, Jenny Lores, Alicia Benete e Vane Sotelo.
FUTSI ATLÉTICO NAVALCARNERO: Belén, María Sanz, Lora, Ju Delgado e Ari -cinco inicial-. Tamén xogaron: Becha, Albita, Leti, Gaby, Laura Córdoba e Balbuena.
GOLES: 1-0, Ame Romero (min. 4); 1-1 Sotelo (p.p.) (min. 6); 1-2 Leti (min. 6); 1-3 Becha (min. 19); 2-3 Ana Luján (min. 23); 3-3 Irene Córdoba (min. 29); 4-3 Dany (min. 30); 4-4 Becha (min. 31); 4-5 Balbuena (min. 40)
EQUIPO ARBITRAL: Ignacio del Olmo e Alejandro Jarque. Cronometrador: Alejandro Martín.
INCIDENCIAS: Partido amigable disputado o 21 de abril do 2021 no pavillón da Cidade do Fútbol de Las Rozas (Madrid).
