O vindeiro sábado xogarase na piscina de Santa Isabel de Santiago de Compostela ás 19:00 horas, o segundo partido da eliminatoria de semifinais do play off polo título de liga de Division de Honra. O CWSantiago e o RCNVigo mediranse por conseguir unha praza na final.
No primeiro partido en Vigo, as de Santiago impuxéronse por 5-4, facendo valer a súa experiencia fronte ao novo cadro de persoal das viguesas. Presúmese un partido intenso e igualado entre os dous equipos que está tempada xa saben o que é impoñerse ao seu rival desta fin de semana.
Boas xornadas de tecnificación para os grupos infantís de Waterpolo
Dobre xornada de tecnificación para os grupos infantís de waterpolo galegos. O pasado sábado en Santiago levaron a cabo a primeira xornada da fin de semana. O domingo a xornada disputouse en Ferrol, e tanto o grupo feminino como o masculino continuaron con esta intensa fin de semana para a preparación do vindeiro Campionato de España por Autonomías que terá lugar en Madrid do 2 ao 5 de abril.
Tecnificación para as alevíns e infantís de natación artística
O pasado fin de semana foi unha gran xornada de actividade de tecnificación de Natación Artística. Nesta ocasión na piscina do CGTD de Pontevedra.
O sábado, baixo a dirección de Sandra Montes, as nadadoras de categoría alevín traballaron en sesións de mañán e tarde, mentres que o domingo pola mañán, o turno foi para as nadadoras de categoría infantil.
Resultados dos encontros de ligas de wáter-polo disputados esta fin de semana:
Liga cadete mixta: Vitoria a domicilio do C. W. Pontevedra na súa vista ao C. W. Santiago (7-13).
Liga infantil mixta: Vitoria local do C. W. Santiago A diante do C. W. Pontevedra (10-0).
Liga alevín mixta: Dobre vitoria local do C. W. Coruña Rías Altas diante de Asociación Coruñesa de Waterpolo (8-5) e do C. W. Cambre (11-7) e vitoria a domicilio do C. W. Pontevedra na súa vista ao C. W. Santiago A (4-5).
Liga benxamín mixta: Vitoria local do C. W. Santiago diante do C. W. Pontevedra (9-6).
División de honra masculina: Vitorias locais do C. W. Coruña Rías Altas diante do C. Marina Ferrol (13-5) e do RCN Vigo diante do C. W. Pabellón Ourense (12-4) no terceiro encontro do playoff co que os equipos de A Coruña e Vigo, se clasifican para a ronda de semifinais que disputarán a partir da vindeira fin de semana, ante C. W. Santiago e C. W. Pontevedra respectivamente.
