O Concello de Marín acollerá o Campionato Galego de Waterpolo Xuvenil este sábado, 12 de marzo, de 11:00 a 19:30 horas. Esta será a primeira edición con participación feminina, enfrontando na final a CW Coruña Rías Altas e CW Pontevedra.
Este torneo ten a particularidade de que o campión autonómico clasifícase para participar no Campionato de España, polo que o CW Coruña ou o CW Pontevedra obterá o billete para a competición estatal.
No acto de presentación estiveron presentes Javier de Saa director deportivo de CW Pontevedra, Pedro Cardona director da Escuela Naval Militar de Marín, a alcaldesa de Marín María Ramallo, o presidente de CW Pontevedra José Ángel Tellería, o Presidente da Federación Galega de Natación Carlos Touriño, o Delegado de Deportes de la Xunta Daniel Benavides e Antonio Caíña, concelleiro de Marín.
En categoría masculina, o Campionato Galego Xuvenil de waterpolo de inverno conta coa participación de 4 clubs en categoría masculina: CW Coruña Rías Altas, CW Santiago, RCN Vigo e o anfitrión, o CW Pontevedra.
O partidos, que se disputarán na piscina da Escuela Naval Militar de Marín, serán emitidos en directo a través da web do CW Pontevedra waterpolopontevedra.com. A final entre o CW Coruña e as pontevedresas comezará ás 18:30 horas, despois da final masculina, para añadir protagonismo á competición feminina.
