A tempada 2020 / 2021 presentábase como emocionante para o CV Arenal Emevé Lugo ao voltar á máxima categoría do voleibol feminino español, a Liga Iberdrola.
As loitadoras contan para este curso cun equipo formado na súa maioría por xogadoras xóvenes e da canteira, con xóvenes promesas como Carolina Camino, que regresou da concentración permanente coa Selección Española para o inicio da competición. Pero as lucenses non conseguiron arrancar ata a sétima xornada, cando lograron a súa primeira vitoria fronte a un Avarca Menorca inferior.
O colista enfrontábase ao entón segundo da táboa, un rival moi asentado na categoría, e deu a sorpresa da xornada ao gañar as tres partes do encontro. O primeiro set estivo máis igualado pero no momento no que o rival adiantouse no marcador as locais reaccionaron e lograron levarse o set. A partir de entón, as xogadoras do CV Emevé lucíronse e conseguiron estrear a súa puntuación sumando os tres puntos.
Dúas xogadoras do Emevé, entre as mellor valoradas da xornada
Este encontro devolveu a ilusión ás loitadoras e situou a dúas xogadoras entre as Estrellas de la Jornada de la Liga Iberdrola: Cassandra Leann Bujan, unha das caras novas desta tempada, como segunda mellor líbero, e a veterana Lucía Prol, como terceira mellor atacante e terceira mellor anotadora. Prol métese ademais entre o septeto da xornada.
Xunto a estas xogadoras tamén competiron, entre outras, a xuvenil Ainara Burgo e a recén fichada Marie Alford así como Carla Jímenez e Marta Otero, ambas con moita proxección no voleibol español.
Finalmente, a brasileña Natasha Valente, que se incorporou o pasado mes de setembro, non seguirá ligada ao club lucense tras anunciarse a rescisión de mutuo acordo do seu contrato o mesmo día do partido.
Tras os bos resultados do sábado a ilusión volveu ao Emevé. De todas formas, tras máis dun mes de competición, as lucenses acumulan tres puntos, cun balance polo de agora pouco positivo de 18 sets en contra e tan só 5 a favor. Desta forma, as xogadoras de José Valle seguen na parte inferior da táboa, sendo colistas empatadas co Madrid Chamberí, polo que precisan unha vitoria na súa visita ao FC Cartagena Algar Surmenor do próximo sábado, 14 de novembro.
