Na última semana o club lucense anunciou a continuidade de cinco das súas xogadoras, ademais dunha fichaxe con moita proxección de cara ao futuro, Carla Jiménez. O novo proxecto para a Liga Iberdrola comeza a dar os seus primeiros pasos coa renovación de gran parte do plantel que consegui o ascenso de este ano.
Inma Lavado (1999), tras a gran temporada na SuperLiga 2, a central terá a oportunidade de consagrarse coma unha das mellores na súa posición na máxima categoría de voleibol femenino.
Sara Urrea (2001) foi unha peza chave na consecución na promoción pese a unha inoportuna lesión de nocello que frenou lixeiramente a súa progresión deportiva. Urrea está destinada a ser novamente unha parte moi importante do equipo grazas á seu labor na recepción e os seus lategazos ás redes.
Lucía Prol (1999) tamén continuará no CV Emevé Lugo tras unha espectacular tempada na que chegou a participar no All-Star. A súa forza, sacrificio e constancia fan dela unha xogadora chve para equipo lucense.
Carolina Camino (2003), reforzo chegado en inverno coa misión de, unha vez rematada a liga co CAEP Soria e o seu compromiso coa Permanente da Selección Española, reforzar os equipos femininos Xuvenil e de SuperLiga 2 nos Campionatos de España e Playoffs de ascenso respectivamente. Lamentablemente, esta situación que estamos a vivir lle impediu ao equipo poder gozar dela ata o momento. Por iso, Carolina e o club deciden renovar o seu compromiso.
Marta Otero (2002), outra fichaxe do mercado de inverno que non chegou a debutar debido ás circunstancias. Por iso, a Internacional Sub-19, decide renovar a súa aposta co noso club.
Carla, unha nova fichaxe con moita proxección
Carla Jiménez (2002), habitual nas convocatorias da Selección Española e unhas das que máis proxección ten actualmente, únese ás filas do CV Emevé Lugo. A pesar da súa mocidade (alcanzará a maioría de idade nuns días) Carla conta con moita experiencia na competición de alto nivel. Isto, unido á súa altura, calidade e garra fan de Carla unha xogadora intimidante e diferencial na rede.
