Ollo a CV Arenal Emevé 2022-23 por que as loitadoras arrincan este curso pisando forte e vencendo con carácter e xogo a todo un Avarca Menorca. Chegouse ao tie break, si. Pero as xogadoras que adestra Manuel Blanco foron por diante nos dous primeiros sets e impediron a remontada das isleñas. Para deixar aínda un mellor sabor de boca, as loitadoras canteirás tiveron un papel decisivo no partido diante das baixas de última hora nas filas lucenses. Primeiro partido e primeiro triunfo 3-2 (25-23, 25-18, 20-25, 14-25 e 16-14) para as galegas.
❤🏐
Arranca a #ligaiberdrolavb
VAMOS LUGO!!!
VAMOS ARENAL!!
VAMOS EMEVÉ!!!
❤💙🏐💪 pic.twitter.com/rtNf3vBB7T— Arenal Emevé (@cvemevelugo) October 1, 2022
Hai fondo de armario e canteira entre las Loitadoras, iso quedou demostrado neste primeiro partido de Liga Iberdrola no que o CV Arenal Emevé tivo que afrontar varias lesións e última hora. En concreto unha escordadura de nocello de Marcella Amaral e unha lumbalxia no caso de Carolina Camino (que chegou a ter minutos). Así e todo, as xogadoras que adestra o técnico Manuel Blanco foron a polo partido sen medo e prantárolle cara a un dos grandes equipos do campionato estatal: o Avarca Menorca.
No sexteto inicial das lucenses estaban tres xogadoras da canteira que nalgún dos casos non alcanzan a maioría de idade. Así xunto a Sara Folgueira, Lucía Prol e Valentina Galiano, estaban na pista para principiar o partido e a Liga 2022-23 Candela López, Alejandra Pérez e Uxía García.
En fronte, no Avarca Menorca Club Voleibol Ciutadella, xogadoras do nivelazo de Westergaard (máxima anotadora das visitantes con 22 puntos no seu haber), por non falar de Amelia Portero.
De capitá a capitá disputouse o primeiro set. Un duelo de titáns entre Lucía Prol e Maira Westergaard. O adestrador local, Manuel Blanco, moveu o banco dando entrada a Ainara Burgo e Jimena Fernández Gayoso, saíulle ben a xogada. O primeiro set remataría en trinta minutos cun tanteo de 25-23 para as galegas.
A asociación entre Lucía Prol, Candela López e Jimena Fernández foi decisiva para que as galegas saísen vitoriosas do segundo set aínda con maior autoridade, en so 26 minutos e cunha vantaxe maior que no primeiro set: 25-18.
Sexteto integramente galego no CV Arenal Emevé
Co partido 2-0 o conxunto que adestra Bep Llorens lanzouse a polo partido con todo. Aguantaron as loitadoras do CV Arenal Emevé o envite das menorquinas e ademais fixérono colocando en pista en varios momentos deste terceiro set a un sexteto integramente galego. Aí estaban, no municipal lucense: Uxía García, Candela, Lucía Prol, Jimena Fernández Gayoso, Ainara Burgo e Carolina Camino.
Pero como diciamos, o Avarca Menorca non estaba disposto a deixar ir o partido nin a vender de saldo a súa derrota. O dúo conformado unha vez máis Westergaard botouse o equipo ao lombo. Mireia Orozco seguiulle o paso. Así, en 29 minutos, o terceiro set caía do lado visitante por un parcial de 20-25. O partido colocábase 2-1.
O Avarca Menorca, decidido a aguantar e loitar ata o último punto, soubo tirar partido dunha serie de erros locais que permitiu ás visitantes adxudicarse o cuarto set con claridade e en so 21 minutos (14-25).
Co 2-2 o partido chegou ao tie break. O CV Arenal Emevé baleirouse e as loitadoras que adestra Manuel Blanco puxeron a vida en cada bóla. En 24 minutos, as galegas adxudicábanse o partido cun tanteo de 16-14. Primeiro triunfo no peto.
FICHA TÉCNICA
3) CV ARENAL EMEVÉ: Candela López, Alejandra Pérez, Uxía García, Sara Folgueira, Lucía Prol e Valentina Galiano – sexteto inicial -. Tamén xogaron: Eliana González (líbero), Ainara Burgo, Jimena Fernández Gayoso, Carolina Camino, Julia Paradela e Lidia Figueira (líbero).
2) AVARCA MALLORCA CLUB VOLEIBOL CIUTADELLA: Ivone Martínez Villarreal, Wanda Banguero Isajar, Alicia de Blas Jimeno, Maira Westergaard, Carla Jiménez Ruiz e Amelia Portero Losilla – sexteto inicial -. Tamén xogaron: Patricia Rodríguez Igleisas (líbero), María Barrasa García, Mireia Orozco Andreu, Iva Pejkovic e Mª Assumpta Jofre Guasch (líbero).
PARCIAIS: 25-23 (30 min.), 25-18 (26 min.), 20-25 (29 min.), 14-25 (21 min.) e 16-14 (24 min.).
EQUIPO ARBITRAL: Rubén Sánchez e Diego Rodríguez del Pozo.
INCIDENCIAS: Partido correspondente á primeira xornada da Liga Iberdrola 2022-23, disputado no Pavillón Municipal de Lugo. Ante unhas 300 persoas aproximadamente.
Jimena Fernández Gayoso: “Tentaremos que esta sexa a liña do equipo na Liga”
