A loita contra a Violencia de Xénero é o obxectivo ao que se adica o cruce entre CV Arenal Emevé e Madrid Chamberí TotalEnergies desta oitava xornada. O partido xógase hoxe, sábado 19 de novembro a partir das 19:45 horas, no Pavillón Municipal de Lugo.
❤
##ligaiberdrolavb
⚔️ Xornada 8
Pavillón Municipal
Sábado 19 Novembro
19:45 h.
Chamberí Totalenergies
https://t.co/HZUDYnBulP
por @Lecer_AV.
‼️
❤ pic.twitter.com/xFF2Mip5hN— Arenal Emevé (@cvemevelugo) November 17, 2022
Nesta xornada da Liga Iberdrola de volei o CV Arenal Emevé e o Cajasol Vóley Dos Hermanas pelexan por acadar un lugar na Copa da Raíña Ibedrola. Mentres as galegas reciben ao Madrid Chambería TotalEnergies, as andaluzas crúzanse co Depol Feel Alcobendas. Rivais madrileños para ambos os dous equipos, polo tanto.
Os puntos son chaves para acceder a o torneo do KO para as loitadoras, actuais subcampioas da Copa da Raíña Iberdrola. O CV Arenal Emevé busca retomar o camiño dos triunfos logo de caer derrotadas contra das líderes, CV Gran Canaria Urbaser (3-0), a fin de semana pasada. Actualmente as lucenses ocupan a novena praza e o Cajasol Vóley Dos Hermanas a oitava. Están separados por un punto. De aí a importancia desta xornada da Liga Iberdrola de volei.
As galegas do CV Arenal Emevé quere un lugar na Copa da Raíña
O CV Arenal Emevé quere gañar ante a súa afección, no Pazo, coa loita contra a Violencia de Xénero como obxectivo común de todas as persoas que se xunten nesta cita deportiva. As xogadoras que adestra Manuel Blanco buscan, a maiores desa concienciación social, os puntos en xogo para ter billete cara a disputa da Copa da Raíña, mentres as súas rivais de Chamberí precisan a vitoria para alonxarse da zona de perigo da táboa clasificatoria.
Nesta semana, o partido foi presentado nunha rolda de prensa na que estiveron a presidenta do club, Bibi Bouza; a capitá, Lucía Prol; o xefe do Servizo Provincial de Deportes de Lugo, Manuel Otero Cadramón; a deputada de Muller e Igualdade da Deputación de Lugo, María Loureiro; e o concelleiro de Deporte e Xuventude, Mauricio Repetto.
A presidenta do CV Arenal Emevé, Bibi Bouza, puxo en valor o compromiso da entidade que dirixe coa loita polos dereitos da muller: “Desde sempre, no CV Arenal Emevé potenciamos a igualdade o respecto e o noso intento constante de axuntar todas as nosas forzas para erradicar é a violencia. Somos un club con representación feminina e masculina en todos os ámbitos, traballamos e fomentamos a igualdade porque cremos en ela”.
A presidenta do club lucense, Bibi Bouza, insistiu na importancia da entidade como transmisora de valores: “Sabemos da nosa responsabilidade para coa sociedade por ter a capacidade de chegar aos máis pequenos. Sabemos que temos que fomentar eses valores, facelos visibles e insistir e salientar na súa importancia: constantemente: non á violencia de xénero”.
A ese efecto espello tamén se referiu a capitá das Loitadoras, Lucía Prol, que subliñou que: “Temos que exemplificar estes valores entre os pequenos e as pequenas que nos toman como referente. Recordo como observaba ás xogadoras do primeiro equipo cando era pequena e sei que o noso exemplo pode ter unha gran transcendencia no seu comportamento actual e futuro”.
Lucía Prol, capitá do CV Arenal Emevé: “Temos que exemplificar estes valores entre os pequenos e as pequenas que nos toman como referente. Recordo como observaba ás xogadoras do primeiro equipo cando era pequena e sei que o noso exemplo pode ter unha gran transcendencia no seu comportamento actual e futuro”
O club, máximo representante do volei feminino galego, quere “reforzar con esta acción o seu compromiso coa erradicación da Violencia de Xénero. O traballo para logralo que debe ser constante e diario, pero mediante o seu visibilización e concienciación a sociedade estará máis preto de logralo”, explican nunha nota remitida aos medios.
