- En maio os 32 mellores equipos de España mediranse no Campionato de España Infantil feminino que terá lugar en Lugo.
- Esta cita co voleibol de base contará con catro sedes: o Polideportivo Municipal Casa do Deporte, o Complexo Deportivo O Pombal, o Colexio Diocesano San Lorenzo e o Pavillón Municipal de Deportes.
- A presentación desta competición contou coa presenza do delegado da Xunta de Galicia en Lugo, Javier Arias; o deputado de Deportes da Deputación de Lugo, Efrén Castro; e o concelleiro de Xuventude e Deporte, Mauricio Repetto, así como a presidenta co club organizador, Bibi Bouza.
Os 32 mellores equipos do país daranse cita na XIX edición do Campionato de España Infantil Feminino de Voleibol, que se celebrará do 17 ao 21 de maio en Lugo. Máis de 3.000 persoas chegarán á cidade amurallada para gozar dun dos torneos que máis afeccionados mobilizan dentro do calendario anual da Real Federación Española de Voleibol.
Esta mañá presentouse a competición no Pavillón Municipal de Lugo, que será a sede da final desta XIX edición do Campionato de España Infantil Feminino de Voleibol. No acto estiveron presentes o delegado da Xunta de Galicia en Lugo, Javier Arias; o deputado de Deportes da Deputación de Lugo, Efrén Castro; o concelleiro de Xuventude e Deporte do Concello de Lugo, Mauricio Repetto; e a presidenta do CV Arenal Emevé, Bibí Bouza.
A dirixente do equipo anfitrión ha recoñecido “a ilusión que nos produce volver acoller un evento de referencia dentro do calendario da RFEVB, despois de organizar o ano pasado a Copa da Raíña”. Bibí Bouza destacou “o reto que supón volver estar á altura do nivel organizativo que mostramos entón, pero estamos seguros que co apoio das autoridades e o traballo do noso equipo volveremos evidenciar que Lugo é unha cidade ideal para albergar citas de semellante envergadura”.
Bibi Bouza presidenta do CV Arenal Emevé salientou: “O reto que supón volver estar á altura do nivel organizativo que mostramos entón, pero estamos seguros que co apoio das autoridades e o traballo do noso equipo volveremos evidenciar que Lugo é unha cidade ideal para albergar citas de semellante envergadura”
A continuación, o deputado de Deportes da Deputación de Lugo, Efrén Castro, sinalou “grazas ao impulso dos clubs e das deportistas, Lugo é un referente en deporte feminino, con ata tres equipos nas máximas categorías estatais, e esta aposta do Emevé por traer ata aquí este campionato estatal infantil feminino, asumindo o traballo que conleva a organización, é unha mostra de que ese camiño cara a igualdade real e efectiva no deporte é moi sólido” e agradeceu “o esforzo do club por situar unha vez máis a Lugo como referencia do deporte de base e feminino”.
Efrén Castro, deputado de Deportes da Deputación de Lugo, destacou: “O esforzo do club por situar unha vez máis a Lugo como referencia do deporte de base e feminino”
Acto seguido foi a quenda do concelleiro de Xuventude e Deporte do Concello de Lugo, Mauricio Repetto que apuntou que “32 equipos de toda España, daranse cita do 17 ao 21 de maio na nosa cidade, nun evento que ademais supón un importante revulsivo económico, xa que reunirá a miles de persoas, entre deportistas e afeccionados, e sen dúbida dinamizará a economía local e provincial” aproveitou aproveitou tamén para convidar á cidadanía para achegarse á cidade para gozar en familia dunha gran alternativa lúdica e deportiva como será o Campionato de España de Volei infantil.
Mauricio Repetto, concelleiro de Xuventude e Deporte do Concello de Lugo, puxo o acento en que o “evento supón un importante revulsivo económico, xa que reunirá a miles de persoas, entre deportistas e afeccionados, e sen dúbida dinamizará a economía local e provincial”
Por último, o delegado da Xunta de Galicia en Lugo, Javier Arias, felicitou ao CV Arenal Emevé por “ser de novo anfitrión dun campionato de ámbito nacional” e exaltou “o seu traballo, creando afección e contribuíndo a dinamizar a cidade co seu protagonismo neste deporte”. Ademais, lembrou as distintas liñas de colaboración da Xunta co club, tanto para o desenvolvemento de actividades como para a adquisición de equipamentos, e destacou o labor do club noutros ámbitos da sociedade, máis aló do deporte.
Javier Arias, delegado da Xunta de Galicia en Lugo, parabenizou ao CV Arenal Emevé polo “seu traballo, creando afección e contribuíndo a dinamizar a cidade co seu protagonismo neste deporte”
Un total de 32 equipos e máis de 500 participantes
Á XIX edición do Campionato de España Infantil Feminino de Voleibol acudirán os 32 mellores equipos de España, formados por persoais de entre 14 e 16 xogadoras. Esta cifra, sumada á de adestradores e árbitros, fará que máis de 500 persoas participen na competición.
O interese que esperta o Campionato de España Infantil fai que sexa unha das probas con maior seguimento do calendario RFEVB e estímase que algo máis de 3000 persoas desprazaranse a Lugo para gozar en directo da proba.
Catro sedes para este Campionato de España
A cita desenvolverase en catro sedes dentro da cidade: o Polideportivo Municipal Casa do Deporte (que albergará 3 pistas), o Complexo Deportivo O Pombal (2 pistas), o Colexio Diocesano San Lorenzo (1 pista) e o Pavillón Municipal de Deportes (2 pistas).
Os equipos dividiranse en oito grupos de catro integrantes para disputar a primeira fase que arrincará o mércores 17 ás 17:00 horas.
O xoves completaranse o resto de partidos desa rolda previa que se disputarán en catro horarios distintos: 09.30, 11.30, 17.00 e 19.00 horas.
O venres e o sábado será a quenda das eliminatorias, que terán lugar no mesmo horario que os encontros do xoves.
Para o domingo 21 quedarán o terceiro e cuarto posto (10.00) e a gran final (12.00) que se disputarán na mesma cancha na que xogan os equipos de Superliga do Arenal Emevé: o Pavillón Municipal de Deportes.
