O CV Arenal Emevé viaxa a Cataluña para medirse ao DSV CV Sant Cugat no Pavelló Municipal Valldoreix Sant Cugat del Valles con arbitraxe dos colexiados Patricia Gozalvez Belmonte e José Manuel de Moya Romero. O cruce, correspondente á 15ª xornada da Liga Iberdrola de voleibol xógase a partir das 19:00 horas de hoxe sábado 21 de xaneiro de 2023.
❤
# ⚔️
#ligaiberdrolavb
⚔️ Xornada 15
Pavillón Municipal Valldoreix
Sábado 21 Xaneiro
19:00 horas
@VoleiSantCugat.
‼️
❤#arenal #volei #lugo #loitadoras pic.twitter.com/19YzDDCoO6— Arenal Emevé (@cvemevelugo) January 20, 2023
A este cruce o DSV CV Sant Cugat chega logo de colleitar unha vitoria no tiebreak a pasada fin de semana ante o Ocisa Haro Rioja Vóley. Gañaron as catalás por 2-3 cuns tanteos de: 25-21, 20-25, 16-25, 25-21 e 11-15. O DSV CV Sant Cugat ocupa a sétima praza na clasificación con 19 puntos. Está xusto por debaixo do CV Arenal Emevé que é sexto con 21 puntos.
As galegas, que adestra Charly Carreño, vencían na casa na xornada previa ao Depol Feel Alcobendas por 3-1 con tanteos de: 21-25, 25-15, 25-14 e 25-10.
Tanto as xogadora que adestra Rafael Ruiz como as que prepara Charly Carreño chegan a este choque cunha progresión positiva e buscan que non se deteña. O CV Arenal Emevé non coñece a derrota neste 2023. Non é o caso das locais que empezaron o ano perdendo na casa 1-3 co Avarca de Menorca.
É polo tanto un cruce entre rivais directos, ubicados na zona media da clasificación na Liga Iberdrola de volei, e nun bo momento de xogo.
Unha xogadora do CV Arenal Emevé no sete ideal
A última xornada Jimena F. Gayoso foi incluída no sete ideal, pero tamén Zoí Mavrommatis, do DSV Sant Cugat. O dito, dous conxuntos similares en potencial e que chegan a verse as facianas no Municipal de Valldoreix nun momento de xogo óptimo que non quererán deixar pasar.
Jimena F. Gayoso incluída no sete ideal da 14ª xornada na Liga Iberdrola de volei
