- As Loitadoras do CV Arenal Emevé regalaron unha primeira vitoria ao seu novo técnico e retoman con ilusión a loita por entrar nos play-offs
O novo ano 2023 arrinca da mellor forma posible para un CV Arenal Emevé que quitou dunha plumada calquera tipo de dúbida sobre o seu potencial cunha vitoria contundente (3-0) ante o Ocisa Haro Rioja Vóley. A estrea de Charly Carreño no banco lucense rompeu unha serie de catro derrotas consecutivas e trouxo un triunfo fronte un rival directo para seguir soñando coas eliminatorias polo título.
❤
HORA DE #LOITAR ⚔️
#ligaiberdrolavb
⚔️ Xornada 13
Pavillón Municipal
Sábado 7 Xaneiro
19:30 horas
OCISA @haroriojavoley
️ https://t.co/mKbbZMgN38
por @Lecer_AV.
‼️
❤#arenal #voley #lugo pic.twitter.com/YF50RpnXZQ— Arenal Emevé (@cvemevelugo) January 7, 2023
Solidez, enerxía e un plan de xogo equilibrado: eses foron os presentes que lle pediu Charly Carreño ás súas xogadoras para o duelo fronte a Ocisa Haro Rioja Vóley e de seguro o CV Arenal Emevé decidiu agasallar ao seu novo técnico desde o primeiro set.
As Loitadoras foron case sempre por diante nunha manga moi igualada (excepto no 4-6) e tanto desde a pista como o banco sóubose manexar os tempos en todo momento. Desde o 9-9 as locais foron pegando pequenos tiróns levantadas na contundencia de Jimena Fernández Gayoso (9 puntos no primeiro parcial) para ir abrindo fenda.
Esther López probou cun tempo morto primeiro, máis tarde con cambios (Schaberl por Denia Bravo), de novo con outra chamada á lousa e por último co cambio de colocadora (sentou á monfortina Sanjurjo e deu entrada a Malic) para variar o guion. As locais saboreaban o primeiro punto co 21-13, pero Malic comezou a conectar con Gritzbach e Schaberl para sementar as primeiras dúbidas na Loitadoras.
Non quixo permitir Charly Carreño un desfalecemento das súas e parou o partido ata en dúas ocasións, a última con 21-16, para evitar desgustos. A chamada á orde tivo o seu efecto e o CV Arenal Emevé apuntouse o set por 25-22.
O segundo empezou cunhas Loitadoras moi enérxicas que pronto cobraron vantaxe (3-1). Ocisa reaccionou rápido e deu a volta ao pulso ata poñerse por diante (4-6), pero a partir dese momento Marcella Amaral fíxose forte na rede para devolver o mando ás de casa (10-7) e obrigar a Esther López a pedir tempo, ademais de volver cambiar a batuta (de novo entraba Malic por Sanjurjo).
Dous puntos consecutivos da central brasileira á volta do parón daban ata 5 puntos de vantaxe a un CV Arenal Emevé que viaxaba con rumbo seguro ao 2-0. Por se fose pouca a contundencia das locais, os erros foron castigando a un Ocisa Haro Rioja Vóley que foi baixando aos poucos os brazos ata ver desvantaxes de 9 puntos (23-14) que facían pouco menos que imposible a remontada. Tiveron un arranque de orgullo as Jarreras con catro puntos case consecutivos, pero as de Charly Carreño liquidaron con tranquilidade o set ao facer o 25-18.
Un inspirado CV Arenal Emevé adxudícase o terceiro set e o partido
Cun punto asegurado, quedaba ver se o novo ano deixaba definitivamente atrás a pantasma dos partidos perdidos cando as lucenses gañan por 2-0. Parecía inevitable ese cosquilleo vistos os precedentes, pero no arranque do terceiro non lle tremeu o pulso ao CV Arenal Emevé. A Marcella Aaral e Jimena Fernández Gayoso sumouse unha Carolina Camino estelar nos primeiros compases da manga. O bo papel das lucenses e os erros visitantes lanzaron a primeira vantaxe cómoda (9-4), que fixo que Esther López non tivese máis remedio que chamar ás súas á lousa.
Ao CV Arenal Emevé saíalle todo e ata os saques axustados pasaban a cinta. Coa moral polas nubes, as Loitadoras foron acelerando ata achegarse á decena de puntos de vantaxe (13-5), obrigando a Ocisa Haro Rioja Vóley a esgotar os tempos mortos para buscar solucións.
O intercambio de golpes lle valía ao CV Arenal Emevé e cando tes a pegadoras como Lucía Prol, Carolina Camino ou Jimena Fernández Gayoso na pista alcanzar o éxito é muco máis fácil. As tres foron castigando ao seu rival aos poucos ata pechar unha vitoria sanadora para arrincar o 2023.
FICHA TÉCNICA
3) CV ARENAL EMEVÉ: Carolina Camiño, Marcella Amaral, Lucía Prol, Valentina Galiano, Mame Douf, Jimena Fernández Gayoso – sexteto inicial -. Tamén xogaron: Eliana González (Líbero) e Alejandra Pérez
0) OCISA HARO RIOJA VÓLEY: Fernanda Gritzbach, Ane Cengotitabengoa, María Rodríguez Sanjurjo, Inma Lavado, Paula Carpinteiro, Denia Bravo – sexteto inicial -. Tamén xogaron: Aida Etxebarria (Líbero). Kora Schaberl, Nikolina Malic e Esther Manso.
PARCIAIS: 25-22 (28 min.), 25-18 (22 min.) e 25-17 (24 min.)
EQUIPO ARBITRAL: Diego Rodríguez do Pozo e Rubén Sánchez.
INCIDENCIAS: Partido correspondente á décimo terceira xornada da liga Iberdrola, disputado no Pavillón Municipal de Lugo ante 250 espectadores.
