Sen baixas, coa moral alta pero aínda moi necesitado de vitorias e diante dun rival directo. Ese é o escenario que terá ante si o HC Borbolla esta fin de semana no seu concurso na OK Liga Feminina. O seu rival será o ENE Oposiciones Cuencas Mineras, ao que visita no seu feudo asturiano mañá domingo 29 de novembro ás 12:30 horas no Pavillón Municipal Marta González PIquero en PolaDeLena.
A motivación nas patinadoras herculinas é máxima. Veñen de acadar, por fin, o seu primeiro triunfo. Agora que se abriu a lata, non queren parar. Menos aínda diante dun rival directo como é o Cuencas Mineras.
O adestrador das galegas, Santi Martínez, admite que a moral está alta. “Loxicamente o ánimo está máis alto logo da vitoria en Alcorcón. O que reforza a idea da posible salvación ao igualarse máis a clasificación. é un reforzo de moral que confirma que estamos no bo camiño e que nos axuda a traballar aínda con máis ganas”, explica o técnico coruñés.
Santi Martínez, técnico do HB Borbolla: “O ánimo está máis alto logo da vitoria en Alcorcón. O que reforza a idea da posible salvación ao igualarse máis a clasificación”.
Agora mesmo as asturianas do Cuencas Mineras son quintas no grupo A da Ok Liga mentres que o HC Borbolla é sétimo. As tomatitas conseguiron deixar o posto de colista con ese triunfo diante do CP Alcorcón. Pero o ENE Oposiciones Cuencas Mineras so ten en realidade un partido máis gañado cas galegas. Así que a igualdade da que falaba o adestrador coruñés, é máxima. Un triunfo nesta cancha sería un grande paso para as herculinas.
Santi Martínez, adestrador do HB Borbolla: ” O triunfo ante o CP Alcorcón, confirma que estamos no bo camiño e que nos axuda a traballar aínda con máis ganas”
O Cuencas Mineras so gañou, precisamente, ao HC Borbolla e ao CP Alcorcón. Incluso perdou co Girona. Polo que está na pomada da loita por evitar o descenso. Na primeira volta, no pavillón de Monte Alto, as de vermello e negro perdían por 3-5. Naquel partido os tres goles que Alba Garrote endosaba ás coruñesas nos primeiros dez minutos de xogo foran cruciais e marcaran o partido. De feito, o HC Borbolla chegara a ir perdendo 1-5.
Nesta segunda volta, o conxunto coruñés busca que o resultado e o devir do xogo, sexan diferentes e poida servir para asentar as súas posibilidades de manterse ao final desta tempada na elite do hoquei sobre patines español.
Santi Martínez, entrenador do HB Borbolla: “O resultado colleitado polo Cuencas Mineras fronte ao Cerdanyola a pasada xornada deixa de manifesto que están fortes e que non nos podemos confiar”.
O adestrador do HC Borbolla explica que o Cuencas Mineras “empezou forte con esas dúas vitorias a nós e ao Alcorcón. Agora parecía que atravesaba unha mala racha, sen embargo o resultado colleitado fronte ao Cerdanyola a pasada xornada deixa de manifesto que están fortes e que non nos podemos confiar. Sabemos que vai ser un rival moi forte e, se queremos tentar puntuar, teremos que estar a tope desde o inicio do partido”, advirte o técnico galego
Santi Martínez, entrenador do HB Borbolla: “Sabemos que vai ser un rival moi forte e, se queremos tentar puntuar, teremos que estar a tope desde o inicio do partido”
Según declaraba o Santi Martínez, “nós tentaremos que o partido se xogue ao noso ritmo, que logremos marcar o tempo de xogo. Sabemos que vai ser un encontro moi duro polo que nos xogamos os dous equipos”, augura o adestrador do HC Borbolla da Coruña.
Santi Martínez, entrenador do HB Borbolla: “Tentaremos que o partido se xogue ao noso ritmo, que logremos marcar o tempo de xogo”
O encontro entre Cuencas Mineras e Borbolla vaise ver a través de YouTube
🖥 Directo – OK Liga Femenina – Cuencas Mineras Vs. Borbolla https://t.co/ilx633TzBO a través de @YouTube
— Hockey Club Borbolla (@HockeyCBorbolla) November 27, 2020
