O Sete Ideal da 15ª xornada da Liga Iberdrola de voleibol ten acento galego. Máis da metade do plantel top da fin de semana, elaborado pola Real Federación Española de Voleibol, son galegas.
Jimena Fernández, Ainara Burgo, ambas do CV Arenal Emevé, e Lucía Varela e Helia González, do CV Gran Canaria Urbaser, forman parte deste equipo top.
Éxito de sacadoras
A posición na que máis destacaron as galegas foi no apartado de sacadoras, con Jimena Fernández como segunda, Helia Gonzálezcomo terceira, Ainara Burgo cuarta e Lucía Varela quinta. A primeira foi Julia de Paula, do CV Gran Canaria.
Así mesmo, as galegas tamén sumaron puntos desde o ataque, con Jimena Fernández como a segunda mellor e Helia González como cuarta, e no apartado anotador, sendo Fernández a segunda mellor e González a quinta.
Darlevis Mosquera, mellor bloqueadora
Ademais, a loitadora Darlevis Mosquera foi elixida mellor bloqueadora da xornada. Por parte do Emevé tamén destacou Carolina Camino, como terceira mellor receptora e quinta mellor atacante.
Pola súa banda, Lidia Figueira, tamén das lucenses, foi a quinta mellor líbero.
