As ximnastas do Tempo desprazaronse a fin de semana do 8 de febreiro para disputar no pavillón de Amate en Sevilla a II Fase da Liga Iberdrola de Ximnasia Artística. As únicas representantes galegas acadaron a cuarta plaza por equipos que lles fai sumar oito puntos máis —sendo 16 os que teñen en total —na clasificación da Liga e estar máis preto do seu obxectivo.
O equipo formado por Nadia Albacete, Rocío Amor, Paula López, Jessica López, Aldara Rodríguez e Inés Paterna buscan ante todo a permanencia na segunda división nas tres fases regulares da competición —na primeira obtiveron a mesma posición—. En salto fixeron un 48.633, en paralelas 39.833, en barra 39.566 e en pista 41.299 sendo un total de 169.331 grazas o cal sumaron os oitos puntos na xeral.
O sábado pasado competiron contra os mellores equipos de España dos cales moitos delas reforzáronse con novas fichaxes do máis alto nivel nacional e internacional. Pero Paula López e Rocío Amor, según comentouno para As Nosas a directora do club de A Coruña, están no “plan de seguimento da selección española e soen acudir a adestramentos”.
Ines Paterna, de maneira individual, acadou o ouro da clasificación xeral con 46 puntos quedando por diante das catalás Clara Dalmau e Lucía Blanco.
Non menos importante foi a meritoria quinta praza de Paula López con 42 puntos. O club herculino quixo destacar a gran participación da benxamina do equipo Aldara Rodríguez que conseguiu vencer os nervos e debutar na liga absoluta sin ningún erro.
Así foi a participación na Iberdrola de Ximnasia Artística do O Tempo
Nadia Albacete, Rocío Amor, Paula López, Jessica López e Inés Paterne arrancaron a súa andadura na barra de equilibrios onde Paula foi a máis consistente.
No suelo, Inés con a terceira mellor nota da competición e Rocío mostráronse as mellores do equipo. A pesar dos seus problemas musculares Paula soubo defendeser moi ben e sair ben. A capitana, Nadia, non tivo moita sorte pero Jessica completou a gran actuación do paso das herculinas.
No salto, as galegas volveron a ser as mellores con moi poucos erros e rendido a gran nivel cos grandes saltos de Paula, Inés e Nadia. Rocio e Jessica lograron boas puntuación pero non perfectas.
Na recta final, nas paralelas Nadie e Paula realizaron uns exercicios moi seguros. Inés con un de elevada dificultad logrou a nota máis alta para o equipo a pesar de sufrir unha caída. Rocío xestinou unha parada que lle fixo perder unhas décimas. Por último Jessica sufriu unha pouco usual caída neste aparato.
