A presidenta do Consello Superior de Deportes, Irene Lozano, anunciaba a suspensión de todas as competicións deportivas do calendario de Campionatos de España en Idade Escolar (CESA) 2020 que aínda non se celebraron. Como consecuencia da situación e evolución do coronavirus e a adopción do Estado de Alarma para a xestión da situación da crise sanitaria.
Cando a situación o permita, o CSD estudará xunto ás Federacións Deportivas Españolas organizadoras dos CESA e as Comunidades Autonómicas e Cidades Autonómicas de Ceuta e Melilla, a posibilidade de retomar o calendario aprobado. Xa sexa nas datas inicialmente previstas ou posteriores.
Moitas federación tanto galegas como a nivel nacional o foron anunciando tamén nas súas páxinas web. Unha das afectadas foi a Federación Galega de Ciclismo que anunciou a través dun comunicado a suspensión do Campionato de España en Idade Escolar 2020 de ciclismo. 
A Federación Española de Voleibol suspende dúas citas do CESA
Despois da resolución publicada polo CSD, a Real Federación Española de Voleibol realizou un comunicado para notificar que se suspende a celebración do CESA de Voleibol que estaba previsto en Valladolid do 25 ao 28 de xuño do 2020 como tamén o de Vóley Praia en Lorca nas categorías infantís e cadete para as datas do 9 ao 12 de xullo.
A Federación Galega de Voleibol tamén suspende indefinidamente as actividades
Tralo o novo anuncio do Goberno, onde se prorroga o confinamento, a Federacón Galega de Voleibol amplia a suspensión de competicións e actividades de forma indefinida.
O fin da prórroga e inicio de actividades e competicións será comunicada por circular e anunciada na web da Federación unha vez remata esta situación e se permita a celebración de ditas actividades.
