Cristina Pérez xa recibirá hoxe, mércores 3 de marzo, a alta na clínica San José de Alcantarilla tras o seu paso exitoso polo quirófano. A pivote murciana foi sometida onte a unha artroscopia do seu xeonllo dereito, a cargo do doutor García Zafra, coa colocación ademais dunha plastia extraarticular de Lemaire, para tratar a inestabilidade da zona.
A 5 do Pescados Rubén Burela FS, Cristina Pérez, que sufriu rotura de ligamento cruzado anterior e ligamento colateral medial deste xeonllo en 2019, seguirá este novo proceso de recuperación dos próximos meses na súa terra natal.
En xaneiro a que pasaba por quirófano outra das guerreiras laranxas. Falamos de Jenny Santos que foi intervida dunha rotura de ligamento cruzado anterior.
Máis recentemente, tamén foi operada, tamén con éxito, e coincidentemente, tamén do xeonllo, a súa compañeira Cely Gayardo. A futbolista brasileira do Pescados Rubén Burela foi intervida polo traumatólogo Francisco Forriol en Madrid. A operación foi precisa por mor dunha artrose uncompartimental externa. A 23 das Guerreiras Laranxas pasou polo quirófano para un transplante de aloenxerto meniscal externo con prato tibial o pasado martes 16 de febreiro.