A adestradora do Gran Canaria Teldeportivo, Cristina Gimeno, manifestaba ao final do partido, que perderon diante do Poio Pescamar por 5-2, o seu resumo do partido contra o Poio era “bastante claro: os erros páganse, condénannos”.
Segundo explicaba a preparadora das isleñas: “Situacións que temos diante da porteira non podemos fallalas e o equipo contrario, un equipo é un equipo que está feito para pelexar por unha liga, Mátanos”.
Precisamente sobre o Poio Pescamar a responsable técnica do Teldeportivo, Cristina Gimeno, afirmaba: “É o equipo que máis me gustou até agora. Tanto técnico individual das xogadoras, como a estrutura que nos presentaron durante todo o partido. Plantámoslles cara ata que as forzas chegáronnos ou máis ben ata que os goles foron determinantes para un lado”.
“Sigo pensando que a dinámica vai cambiar, estamos bastante ben estruturadas dentro da cancha, non baixamos os brazos en ningún momento e por moi duros que estean a ser os resultados este equipo merécese moito máis. Imos traballar para que ese tres primeiros puntos cheguen canto antes”, argumentaba Cristina Gimeno nunhas declaracións recollidas na web do club grancanario.
