O Arxil continúa dando forma ao equipo co que tratará de afrontar o seu noveno ano na liga Feminina 2. Cristina Díaz-Pache Blas convértese na terceira xogadora confirmada para tal aventura. Aos poucos, o club verde vai formando o persoal.
A á-pivot seguirá un ano máis vestindo a camiseta verde do C.B. Arxil. Será o seu noveno curso en Pontevedra, onde aterrou no seu primeiro ano como xogadora sénior e alumna da facultade de fisioterapia, da que exerce como profesional.
Cristina converteuse nunha das xogadoras máis coñecidas e queridas do conxunto pontevedrés xa que é moi habitual vela polo pavillón de ciencias do deporte nos entrenos das categorías basee así como nos partidos.
Unha baloncestista valente que o curso pasado foi volver á normalidade xa que se tivo que esquecer da grave lesión que a deixou fóra da competición durante dezaseis partidos n a tempada 18-19. Foi na cuarta xornada cando a xogadora lesionouse, e houbo que esperar até case o final da tempada para poder vela de novo en acción.
A á-pivote co seu traballo gañouse un posto fixo de novo no primeiro equipo feito que evidencia a importancia do seu talento e xogo para Maite Méndez.
Os números de Cristina Díaz-Pache
- Na tempada 11-12 xogou de media 4 minutos
- Na tempada12-13; 12,46 minutos
- Na tempada 13-14; 13,26 minutos
- Na tempada 14-15; 6,56 minutos
- Na tempada 15-16; 19,36 minutos
- Na tempada 16-17; 20,09 minutos
- Na tempada 17-18; 26,48 minutos e anotou 8,5 puntos
- Na tempada 18-19;9,55 minutos e anotou 3,9 puntos(lesión)
- Na tempada 19 -20; 30 minutos anotando 9 puntos
Desde o club pontevedrés destacan que estas cifras apuntan a que “a achega da xogadora ao equipo é ascendente e cada vez máis relevante”.
Cristina Díaz-Pache únese a Natalia e a Noelia na plantilla que conformará o Club Baloncesto Arxil para a tempada 2010-21 e que dirixirá un ano máis a adestradora Maite Méndez na LF2.
