- O club club miñoto incorpora á xogadora valisoletana Cristina Cifuentes de 28 anos, que vivirá a súa primeira experiencia fore do Aula Valladolid.
- Cifuentes: “Estou con moita ilusión de vivir unha experiencia completamente nova para min”.
O Mecalia Atlético Guardés e Cristina Cifuentes (Valladolid, 30/10/1993) unirán camiños na tempada 2022/23. A xogadora valisoletana será un reforzo de luxo para Abel González, que poderá contar cunha pivote con experiencia contrastada na liga Guerreras Iberdrola.
Cristina Cifuentes, pola súa banda, elixe A Guarda e ao club miñoto para vivir a súa primeira experiencia fóra do Aula Alimentos Valladolid, o seu club de toda a vida, no que se desenvolveu durante as últimas 17 tempadas, tanto na súa estrutura de canteira como no primeiro equipo.
O Mecalia Atlético Guardés asina, ademais, unha pivote áxil, con facilidade para deslizarse pola liña e que achega solucións ofensivas en calquera situación. Tamén unha defensora enérxica e vigorosa. Pero, sobre todo, unha deportista con carácter e convicción, valores sempre necesarios en calquera grupo humano. Na tempada pasada, a valisoletana asinou 84 goles co Aula Alimentos de Valladolid na liga Guerreras Iberdrola. Unha cantidade notable, que evidencia a súa calidade para a portería contraria.
Cristina Cifuentes: “Oxalá podamos facer algo grande porque creo que se está formando un equipo moi bo”
Cristina Cifuentes: “Sempre foi moi especial xogar na Guarda”
A deportista vallisoletana chega á Guarda visiblemente motivada. “Estou con moita ilusión e moitas ganas de vivir unha experiencia completamente nova para min”, recoñecía Cristina Cifuentes na súa presentación. “Espero adaptarme canto antes ao pobo e á dinámica do equipo e poder loitar por grandes obxectivos”, desliza Cristina Cifuentes, que se viu seducida pola posibilidade de xogar polo vello continente adiante.
“Sobre todo, teño moitas ganas de xogar a competición europea porque cando tiven a oportunidade con Aula, lesioneime e non o puiden facer”, expresa. E sobre os seus propósitos, o nova pivote do conxunto miñoto teno moi claro: “Quero seguir gozando do balonmán e conseguir algún éxito para a afección do Guardés. Sempre foi moi especial xogar aí”.
Para terminar, Cifuentes deixou un desexo baseado na súa capacidade analítica: “Oxalá que podamos facer algo grande este ano porque creo que se está formando un equipo moi bo”, concluíu.
Abel González está satisfeito coa chegada da valisoletana. “Vai axudar moito porque ten moita mobilidade en ataque e destacaría tamén a súa gran achega defensiva e a saída ao contraataque”, afirma o técnico do Mecalia Atlético Guardés, que destaca que a súa nova pupila “brega moito durante todo o partido, sobre todo en labores ofensivos” e conclúe que é “unha xogadora de equipo” que lle vai a achegar á escuadra miñota “un plus en todas as facetas do xogo”.
