A futbolista do Pescados Rubén Burela, Cristina Pérez, manifestaba tras o encontro a satisfacción polo resultado, pero a mágoa de non poder contar con seareiras nas bancadas. “Foi un debut estraño por non ter á nosa afección, pero creo que fixemos un partido moi completo”, declaraba. “Gustaríanos que houbese haber afección no pavillón. Foi por ese motivo un debut estraño pero ímonos moi contentas”, dixo Cristina.
Na opinión da deportista do conxunto galegos poideron incluso levar un resultado máis avultado: “Tivemos ocasións para levarmos un resultado máis avultado. Quedámonos tamén co feito de que non encaixamos ningún gol. Foi un partido moi serio en defensa”, destacaba a xogadora.
Cristina, futbolista do Burela: “Tivemos ocasións para levarmos un resultado máis avultado”
Explica Cristina Pérez que o míster, Julio Delgado, “pediunos que buscásemos espazos e que fixésemos o que levabamos traballando toda a semana e ao final saíu, sobre todo ao final do partido dominamos claramente xogando aos toques”.
Cristina, futbolista do Burela: “A UA Alicante é un equipo moi guerreiro, corre moito e aperta moito arriba. É difícil xogar contra elas cando estás a saír de presión por que se che fai de noite co balón. Apertan moi rápido, pero soubemos saír da presión que nos fixeron e atopar os espazos”
Sobre o rival, comentaba a deportista do club da Mariña que “a UA Alicante xogou como nos esperabamos. É un equipo moi guerreiro, que corre moito, que aperta moito arriba. É difícil xogar contra elas cando estás a saír de presión por que se che fai de noite co balón. Apertan moi rápido, pero creo que soubemos saír da presión que nos fixeron e atopar os espazos. É unha pena que non metésemos algún gol máis xa que creo que tivemos moitísimas ocasións”, lamenta Cristina.
️ | @CristinaPere10: “Ha sido un debut extraño por no tener a nuestra afición, pero creo que hemos hecho un partido muy completo.”#Burela #Futsal @SomosFutsal #FutsalHeart pic.twitter.com/Bb4nmGpnZv
— Pescados Rubén Burela FS (@burelafs) November 7, 2020
Julio Delgado: “Controlamos o partido, pero faltounos definición”
Tras o choque co UA Alacante, no que as de Burela gañaban 2-0, o técnico das galegas, Julio Delgado, declarábase “moi contento”. “A verdade é que estou moi contento, había que empezar esta Liga en casa con vitoria. Fixemos un bo partido. Tal vez faltounos un pouquiño de mirar a portaría nos últimos metros. Pero creo que o tivemos todo controlado. A actitude foi moi boa. Sobre todo os últimos minutos foron de dominio noso”.
Sinalaba aos medios o adestrador do Pescados Rubén Burela que non vira “perigar o marcador. Non permitimos nin xogar o 5 contra 4 ao defender alto. A verdade é que me vou moi contento”.
Julio Delgado, entrenador do Burela: “A verdade é que estou moi contento, había que empezar esta Liga en casa con vitoria. Fixemos un bo partido. Tal vez faltounos un pouquiño de mirar a portaría nos últimos metros. Pero o tivemos todo controlado. A actitude foi moi boa. Sobre todo os últimos minutos dominámolos”
Na súa análise od partido declaraba: “Creo que a segunda parte foi un calco da primeira, foi moita chegada, moita presión e tivemos a fortuna dese gol de Cilene pola escuadra, que non deixa de ser unha xenialidade individual. E logo un balón ao segundo pau que se meteu en propia porta. Pero hoxe faltounos a definición, o últimos seis metros para ser capaces de pór o balón dentro da portaría”.
Julio Delgado, entrenador do Burela: “Houbo moi bos minutos de fútbol sala. Unha pena debutar sen público”
Na opinión do técnico “na segunda parte pasou o mesmo. Creo que merecemos algún gol máis pero non tivemos esa fortuna”.
Por iso, o adestrador das Guerreiras Laranxas aseveraba que en liñas xerais “controlamos o partido. Houbo moi bos minutos de fútbol sala. Unha pena debutar sen público. O resumo sería que tivemos un gran control do partido, pero faltounos definición”.
️ | Julio Delgado: “Muy contento, había que empezar esta liga en casa con victoria.”#Burela #Futsal @SomosFutsal #FutsalHeart pic.twitter.com/A7OS7s9k7A
— Pescados Rubén Burela FS (@burelafs) November 7, 2020
Maravillas Sansano: “Creo que saímos deste partido reforzadas”
A adestradora do UA Alicante, Maravillas Sansano declaraba tras o cruce co Burela que o partido lle gustou moitísimo. Deixamos mostras de que seremos un dos equipos que loitarán por estar no máis alto posible. É un partido que me gustou moitísimo”.
Maravillas Sansano, adestradora do UA Alicante: “Enfrontábamonos ás campioas que teñen un plantel espectacular e estivemos en todo momento dando a cara. Tivemos ocasiones pero é verdade que logo elas chegaron máis. Considero que estivemos todo o partido aí”
Explicaba a preparadora das alacantinas que sabía “que nos enfrontabamos ás campioas que teñen un plantel espectacular e estivemos en todo momento dando a cara. Creo que saímos deste partido reforzadas. Tivemos ocasiones pero é verdade que logo elas chegaron máis. Tamén penso no segundo gol que nos metemos en propia porta… Considero que estivemos todo o partido aí”.
Admite a técnica visitante, Maravillas Sansano que non pode “estar contenta por non sacar algo positivo, pero si polo xogo que demostraron e por ver que aos poucos imos mellorando”.
️ | Maravillas: “Es un partido que me ha gustado muchísimo.”#Burela #Futsal @SomosFutsal @UAfutsafemenino #FutsalHeart pic.twitter.com/57XyWp658F
— Pescados Rubén Burela FS (@burelafs) November 7, 2020
