A adestradora galega Cris Oreiro foi a técnica elixida para substituir a Luis Treviño á fronte do banco do Viajes InterRías FF de cara ao curso 2023-24. O club galego finalizaba a anterior tempada no posto 11º no Grupo 1 da Segunda RFEF.
Luis Treviño deixa así de dirixir ao Viajes InterRías FF logo de oito anos como primeiro adestrador do club de Sanxenxo. Luis Treviño collía ao Viajes InterRías FF en Segunda Autonómica e logo de varios ascensos, deixa ao equipo consolidado na Segunda RFEF.
Nunha carta de despedida publicada nas súas redes sociais, Luis Treviño manifestaba o seu “agradecemento” ao club no que estivo tantos anos. “Marcho coa satisfacción de ter contribuído a construír un proxecto da nada e que agora non ten límites”, explicaba o adestrador na súa despedida.
Ver esta publicación en Instagram
A remuda do técnico de Vilagarcía cóllea así a ex futbolista e adestradora coruñesa Cris Oreiro. Ao club de Sanxenxo chega a adestradora coruñesa acompañada por Adrián Sardiña, con quen xa tiña traballado na súa etapa no Victoria CF.
Ver esta publicación en Instagram
A entrenadora formou parte do corpo técnico do Dépor ABANCA ata hai uns meses como segunda de Irene Ferreras. A relación rompeuse hai uns meses.
Previamente, co Victoria CF, Cris Oreiro estivo a piques de acadar un ascenso. O que acariñou á fronte do banco das cebras, é xustamente o obxectivo que ten diante de si este curso que ven 2023-24 co Viajes InterRías que milita na Segunda RFEF e quere subir á Primeira RFEF.
Cris Oreiro amosábase feliz á hora de asumir o reto de poñerse á fronte do banco do Viajes InterRías FF
Moi feliz de comenzar esta nova etapa da man do @ff_interRias
Chego coa máxima ilusión!
Imos con todo! 💚💙 pic.twitter.com/9wCKFhA8NH— Cris Oreiro (@CrisOreiro) May 25, 2023
A traxectoria previa de Cris Oreiro
Cris Oreiro formouse no Pastoriza como futbolista. Antes de colgar as botas defendeu as elásticas de Friol, RC Deportivo ou Victoria FC. As lesións de xeonllo non lle permitiron continuar co seu papel como xogadora e pasou a aumir o rol como adestradora.
Coas cebras, xa como adestradora, acadou un campionato de Primera Nacional no ano 2021, chegando a disputar a fase de ascenso, aínda que sen acadar o premio final.
Na súa etapa como deportista, Cris Oreiro tamén xogou ao fútbol sala en clubs como o Viaxes Amarelle FSF.
Como indicabamos previamente, o ascenso é o obxectivo do Viajes InterRías FF para a vindeira tempada 2023-24. O club de Sanxenxo acadaba a permanencia matemática no curso 2022-23 a unha xornada do final de liga cun triunfo 3-2 en San Pedro ante o Zaragoza.
1. Cris Oreiro adestrará ao Viajes InterRías FF / VIAJES INTERRÍAS FF
Cris Oreiro adestrará ao Viajes InterRías FF / VIAJES INTERRÍAS FF
2. Cris Oreiro no Viaxes Amarelle / SABELA MOSCOSO
Cris Oreiro no Viaxes Amarelle / SABELA MOSCOSO
3. Cris Oreiro, no recoñecemento médico do Dépor ABANCA cando era segunda adestradora do primeiro equipo feminino branquiazul / RCD
Cris Oreiro, no recoñecemento médico do Dépor ABANCA cando era segunda adestradora do primeiro equipo feminino branquiazul / RCD
4. O equipo técnico do Dépor ABANCA posa no recoñecemento médico do QuirónSalud / RCD
O equipo técnico do Dépor ABANCA posa no recoñecemento médico do QuirónSalud / RCD irene ferreras cris oreiro
5. Cris Oreiro dirixindo ao Victoria CF na tempada 21-22 / CEDIDA
Cris Oreiro dirixindo ao Victoria CF na tempada 21-22 / CEDIDA
6. Cris Oreiro, adestradora do Victoria CF / CEDIDA
Cris Oreiro, adestradora do Victoria CF / CEDIDA
7. Cris Oreiro nun adestramento do Victoria / CEDIDA
Cris Oreiro nun adestramento do Victoria / CEDIDA
8. Cris Oreiro e o corpo técnico do Victoria CF / CEDIDA
Cris Oreiro e o corpo técnico do Victoria CF / CEDIDA
9. Cris Oreiro é manteada polas xogadoras do Victoria CF / CEDIDA
Cris Oreiro é manteada polas xogadoras do Victoria CF / CEDIDA
10. Cris Oreiro, adestradora do Victoria CF / CEDIDA
Cris Oreiro, adestradora do Victoria CF / CEDIDA
