Cristina Martínez Gutiérrez (Astorga, León, 26 de xuño de 1993) renovou o seu contrato co Deportivo ABANCA até xuño de 2023, segundo anuncia a entidade coruñesa.
Na sexta tempada do Deportivo ABANCA, a 2021-2022, a lateral dereita leonesa Cris Martínez será a única sobrevivente do equipo que arrincou este proxecto, o 4 de setembro de 2016 fronte ao Oviedo Moderno CF en Ponche dous Brozos (Arteixo). Cris Martínez chegou ao RC Deportivo ABANCA procedente do Atlético Astorga.
Cris Martínez, centenaria
Con 115 partidos oficiais, Cris Martínez é a segunda xogadora na clasificación histórica do Deportivo ABANCA, só superada polos 117 encontros da venezolana Gaby. Do mesmo xeito, nas dúas tempadas do equipo en Primeira Iberdrola acumula 50 aparicións, coas que iguala con Peke na terceira posición deste ranking, por detrás das 54 de Gaby e os 52 de Iris.
#ASNOSAS | Cris continuará no #DéporABANCA até xuño de 2023 https://t.co/tDgfpNKli6 Con nós desde o primeiro partido, quen mellor que ela para non esquecer de onde vimos, para guiarnos a onde queremos ir. GRAZAS @CristinaMtnezG! pic.twitter.com/srohQr0M1h
— RC Deportivo (@RCDeportivo) July 7, 2021
