Cris Martínez pode presumir de ser unha das poucas xogadoras que estiveron desde o nacemento deste Deportivo ABANCA alá polo ano 2016. Dona absoluta do lateral dereito e peza imprescindible no esquema de Manu Sánchez. Por se fora pouco, renovou recentemente o seu contrato ata o 2022.
A xogadora nada en Astorga (León) falou en rolda de prensa virtual sobre a inxustiza que se está cometendo co fútbol feminino, nun momento doce para este deporte. Cris non entende porque pode reanudarse LaLiga e non propoñen o propio desde as institución para a Liga Iberdrola: “Se os mozos de Primeira xogan, por que non imos facelo nós?”.
A lateral dereito tamén quixo destacar o segredo do éxito de este Deportivo ABANCA, que tras o seu debut na Liga de ouro do fútbol feminino, está a acadar grandes resultados: “Traballar en equipo é a clave do éxito deste Deportivo ABANCA”.
Cris Martínez mostrouse “moi optimista” de cara a vindeira tempada, a pesar da fuga de talento que ameaza ao vestiario branquiazul: “Se ao final vanse afectará o nivel do equipo, pero ao final isto é un equipo e todas sumamos. Son xogadoras importantes e que se vaian afectará o nivel do equipo, pero ao final todas sumamos. Se sae xente, seguirán vindo outras xogadoras que tamén sumarán. Son as decisións que toma cada unha”.
Engade que “o nivel do equipo dáo o equipo e esperemos que saian as menos xogadoras posibles. Son optimista. Irase xente, virá outra nova. Así é o fútbol. Algo farías ben se tanta xente interésase por xogadoras do Dépor. Ogallá o ano que vén sigan interesándose nas futbolistas de aquí”.
Cris Martínez, xogadora do Dépor: “Son optimista. Irase xente, virá outra nova. Así é o fútbol. Algo farías ben se tanta xente interésase por xogadoras do Dépor. Ogallá o ano que vén sigan interesándose nas futbolistas de aquí”.
Se os mozos de Primeira xogan, por que non imos facelo nós?
A 22 deportivista amosou o seu descontento polas casi descartada reanudación da Liga Iberdrola e cre que hai desigualdade con respecto ao fútbol masculino: “Se os mozos de Primeira xogan, por que non imos facelo nós? Sería unha forma de tratarnos con respecto, de darnos a importancia que temos e necesitamos. Se se retoman as competicións noutras categorías, deberiamos facelo tamén nós. É complicado e unha decisión difícil, pero se uns xogan, considero que tamén deberiamos facelo os outros”.
Cris Martínez, xogadora do Dépor: “Se se retoman as competicións noutras categorías, deberiamos facelo tamén nós. É complicado e unha decisión difícil, pero se uns xogan, considero que tamén deberiamos facelo os outros”.
A pesar que que o máis seguro é que non se xogue o que falta desta Liga Iberdrola a tempada deste Deportivo ABANCA está sendo de 10. Cris destacou que “a nivel de equipo só hai que mirar os números. O ben que estivemos desde o principio ata o final. Córtasenos o refacho e facer un bo papel nunha tempada completa, pero quedamos co bo”.
Cris Martínez, xogadora do Dépor: “A nivel de equipo só hai que mirar os números. Córtasenos o refacho e facer un bo papel nunha tempada completa, pero quedamos co bo”.
“Enganchamos a moitos deportivistas”
Ademais, recorda grandes momentos desta campaña como foron “o tramo final, a Copa en Riazor… enganchamos a moitos deportivistas. E a nivel individual estou moi contenta, na Coruña, co Dépor, coa afección. Sempre tento dar o mellor de min. Ao final, nos anos anteriores xogabamos nunha categoría máis baixa e estabas máis confiada. Este ano era un reto para min e estou moi satisfeita”.
Cris Martínez, xogadora do Dépor: “A nivel individual estou moi contenta, na Coruña, co Dépor, coa afección. Sempre tento dar o mellor de min”.
En canto ao remate de tempada, Cris mostrouse algo pesimista: “Falamos varias veces por grupos de whatsapp e pensamos que vai ser complicado. Dá rabia, porque o estás facendo ben, unha boa tempada… e quedaba o máis bonito. No tramo final é cando a xente máis aperta. Quedábannos oito partidos e cinco eran en casa ante rivais importantes. Queriamos dar a cara como o fixemos contra o Barça na Copa. Demostrar que estamos cuartas porque o merecemos. Pero acataremos calquera decisión que se tome da mellor forma posible”.
Cris Martínez, xogadora do Dépor: “Quedábannos oito partidos e cinco eran en casa ante rivais importantes. Queriamos dar a cara como o fixemos contra o Barça na Copa”.
“Cheguei a un club grande que aposta polo fútbol feminino”
Cris amosouse moi contenta de xogar no Dépor e recoñece que estes “foron catro anos de aprendizaxe, de superación. Fíxose un grupo de xogadoras que non se coñecían e ao terceiro ano conseguiuse un ascenso. Ademais este ano demostramos que chegamos para quedarnos. Viña dun equipo humilde, xogando en rexional, e cheguei a un club grande que aposta polo fútbol feminino. Nunca me daban a oportunidade de probar nun equipo de máis nivel e cando a tiven quíxena aproveitar. Creo que non me equivoquei”.
Cris Martínez, xogadora do Dépor: “Viña dun equipo humilde, xogando en rexional, e cheguei a un club grande que aposta polo fútbol feminino”.
Por último, a lateral dereito recorda os seus mellores momentos nestes catro anos que leva vestindo a camiseta branquiazul: “Cando gañamos a liga e ascendemos foron días incribles para min, pero quizá o primeiro partido da Primeira Iberdrola, ante o Espanyol e en Abegondo, foi unha sensación diferente. Quedaríame con iso”.
Cris Martínez, xogadora do Dépor: “Cando gañamos a liga e ascendemos foron días incribles para min, pero quizá o primeiro partido da Primeira Iberdrola, ante o Espanyol e en Abegondo, foi unha sensación diferente. Quedaríame con iso”.
