Cris Martínez, capitá do Dépor ABANCA, comparecía ante os medios de comunicación en zona mixta do Estadio de Riazor logo do partido contra o CE Europa. A futbolista recibía antes do encontro unha camiseta co número 200 nas costas en referencia aos 200 partidos oficiais xogados co Dépor ABANCA que se cumplían xusto nese encontro.
AS NOSAS: Parabéns polos 200 partidos, non tivestes o final máis desexado para celebrar pero no lle quita mérito aos 200 partidos oficiais cun club ao que chegabas hai xa uns cantos aniños.
CRIS MARTÍNEZ: Estou moi contenta. Tiven a sorte de poder celebrar os meus 200 partidos co Dépor en Riazor. Non tivémola sorte de levarnos a vitoria e que fose un final máis feliz pero seguimos aí arriba, a catro puntos do noso rival directo e a seguir pensando no obxectivo.
1. Dépor ABANCA, Cris Martínez / MARCOS RODRÍGUEZ VELO
Dépor ABANCA, Cris Martínez / MARCOS RODRÍGUEZ VELO
2. Dépor ABANCA, Cris Martínez / MARCOS RODRÍGUEZ VELO
Dépor ABANCA, Cris Martínez / MARCOS RODRÍGUEZ VELO
3. Dépor ABANCA, Cris Martínez / MARCOS RODRÍGUEZ VELO
Dépor ABANCA, Cris Martínez / MARCOS RODRÍGUEZ VELO
4. Dépor ABANCA, Cris Martínez / MARCOS RODRÍGUEZ VELO
Dépor ABANCA, Cris Martínez / MARCOS RODRÍGUEZ VELO
5. Dépor ABANCA, Cris Martínez / MARCOS RODRÍGUEZ VELO
Dépor ABANCA, Cris Martínez / MARCOS RODRÍGUEZ VELO
AS NOSAS: Ás veces un fútbol é un tanto inxusto. Tivestes chegadas, control e dominio do xogo, chegan elas as veces xustas, con maior efectividade e empatan o partido…
CRIS MARTÍNEZ: Chegamos moitas veces pero non materializamos as ocasións. Hai que seguir traballando. Son partidos moi difíciles. Elas xogábanse moito. Xóganse o descenso. Hai que seguir traballando e seguir intentándoo. Aínda nos quedan tres finais.
AS NOSAS: Velo tan preto, acariñándoo en certos partidos… Estásevos facendo un poquiño longo?
CRIS MARTÍNEZ: Queremos conseguilo canto antes é complicado. Non é nada doado facer o que estamos a facer. Estamos centradas en que no vai ser doado e que nos quedan tres finais e a por todo.
AS NOSAS: Frío, choiva e máis de 7.500 persoas viñeron a acompañarvos nun día importante para vós. Que valoración fas da afección?
CRIS MARTÍNEZ: Estou moi contenta polo respaldo da afección e oxalá siga así, oxalá nos acompañen no último partido que nos queda en Abegondo que é tamén moi importante. Estou moi agradecida da resposta que tiveron.
AS NOSAS: Falaba Irene Ferreras da tranquilidade, como o vedes no vestiario?
CRIS MARTÍNEZ: Viñamos pensando en alonxarnos un pouco máis do rival directo, que é o Espanyol, pero bueno elas onte tamén pincharon (empataron), e seguimos a catro puntos, seguimos como a semana pasada, hai que seguir!
Ver esta publicación en Instagram
