Con Cristina Díaz-Pache son xa tres as xogadoras renovadas e confirmadas para o novo proxecto deportivo do Club Baloncesto Arxil na Liga Feminina 2 na que militara este curso 2021-22. A deportista pechou a súa renovación co conxunto pontevedrés, co que cumprirá, deste xeito, a súa décima tempada consecutiva tras aterrar no club no seu primeiro ano como xogadora sénior.
A á-pivote foi unha das pezas máis utilizadas o último curso por Mayte Méndez na Liga Feminina 2, con 22 minutos de media sobre a pista sumando 4,3 puntos e 3,3 rebotes por partido.
A.N.: Cantas tempadas levas no arxil e que balance fas da pasada tempada.
Cris Díaz-Pache: Vou a por min undécima tempada no club. Estou moi contenta de renovar coa miña familia pontevedresa. O ano pasado foi duro, a nivel deportivo non cumprimos coas expectativas e obxectivos do equipo; a iso sumámoslle todas as complicacións derivadas do coronavirus, os tests de antígenos semanais, partidos aprazados, etc. A pesar de todo iso mantivemos a categoría.
A.N.: Defínete como xogadora e que cóntanos que cres que lle achegas ao equipo?
Cris Díaz-Pache: Considérome unha xogadora de equipo, tento achegar todo o que podo en ataque e cunha defensa dura. E sempre con boa actitude e animando ás miñas compañeiras.
A.N.: Que esperas da tempada que vai comezar?
Cris Díaz-Pache: Confiamos que este ano teñamos un bo grupo e podamos mellorar e aspirar a algo máis. Non sabemos como irá todo pero eu prometo esforzarme e traballar todo o que poida para axudar ao equipo.
Que lle dirías á aficion do Arxil?
Á afección pídolle o de todos os anos, que siga indo ao pavillón cada partido, que nos apoien e animen, nós sentimos todo o seu agarimo na pista.
A deportista únese desta forma ao bloque de xogadoras do CB Arxil para a tempada 2021/22, un grupo no que xa figuraban a renovada María Lago e Carla Fernández.
