A Coruña foi sempre unha cidade ligada ao mar co porto como referente económico as súas praias como punto de encontro turístico e da veciñanza. Do mesmo xeito, as disciplinas deportivas ligadas aos deportes náuticos contan con moitas persoas adeptas na cidade herculina, tanto seareiras como practicantes.
Agora, o Concello da Coruña crea o programa “Coruña no Mar”, unha iniciativa ligada ao deporte que contará con cursos de aprendizaxe de pádel surf, windsurf, remo, piragüismo, vela lixeira e vela adaptada, entre outras actividades relacionadas co medio mariño.
Cursos durante o verán na Coruña
Así, este ano na cidade coruñesa a realizaranse de xullo a setembro de distintos cursos de aprendizaxe, de iniciación, de actividades deportivas relacionadas co mar. A concelleira de Deportes, Mónica Martínez, sinala que “non podemos agardar de forma pasiva a que a veciñanza se achegue aos deportes náuticos. O noso mar, o noso pavillón azul, é unha instalación natural única. Trátase de facer deporte, coñecer o mar, respectalo e valoralo como fonte de riqueza, de pracer, diversión e lecer”.
🌊 Poñemos en marcha o programa ‘Coruña Mar’‼️
🗓️ De xullo a setembro
👥 Cursos semanais intensivos e actividades quincenais
🏄 ⛵Surf, pádel surf, windsurf, remo, piragüismo, vela lixeira, vela adaptada, kayak de mar, natación en augas abertas, mergullo e pesca deportiva! pic.twitter.com/ei1jZlIhkb— A Coruña Deportes (@coruna_deportes) April 14, 2021
O programa, “Coruña no mar” diríxese ao conxunto da cidadanía. As actividades distribuiranse en dous bloques: cursos semanais intensivos (de luns a venres) e actividades quincenais de fin de semana. Entre as actividades propostas nun primeiro momento figuran o surf, o pádel surf, o windsurf, o remo, o piragüismo, a vela lixeira, a vela adaptada, o kayak de mar, a natación en augas abertas, o mergullo e a pesca deportiva.
