Tras o período de confinamento obrigado polos positivos en COVID-19 detectados nas filas do conxunto coruñés, o CRAT Residencia Rialta retomou esta semana a actividade para disputar xa este domingo, 31 de xaneiro, o partido que tivo que ser aprazado na segunda xornada debido ao temporal Filomena fronte a Olímpico de Pozuelo.
Os prazos para a disputa da competición seguen sendo moi apertados a pesar de que esta mesma semana modificouse o calendario para poder adaptalo á situación que se estaba vivindo, xa que, entre positivos e inclemencias só logrouse disputar un 50% dos encontros do que vai de tempada.
Esta circunstancia obriga ao equipo coruñés a xogar o fin de semana tras só poder completar dous adestramentos coa totalidade das xogadoras. Ademais, debido á modificación do horario de peche das instalacións, por mor do cambio no toque de queda, eses dous adestramentos foron máis curtos do habitual.
Así son as contrincantes das coruñesas
O rival ao que se enfrontará o equipo que adestran Helen Roca e Jos Porto, o Olímpico de Pozuelo, é un dos grandes clubs da categoría. A pesar de levar só un punto no seu marcador, nas dúas xornadas que disputou o conxunto madrileño ha demostrado poder facer fronte aos máis grandes da categoría.
O Olímpico de Pozuelo conta cunha defensa moi dura, unha alta intensidade e un tres cuartos de gran nivel, veñen de pór en apertos a todo un Majadahonda, logrando o bonus defensivo e quedándose a tan só catro puntos de igualar ao que é para moito un dos grandes favoritos para alzarse co campionato.
O CRAT venceu o seu primeir partido co Sanse Scrum
Esta tempada, as herculinas comezaron con bo pé a competición na máxima categoría do rugby feminino estatal. Fixérono cunha vitoria ante o Sanse Scrum no primeiro partido da competición e en Elviña. Entre as filas coruñesas a protagonista foi Maica Martí, unha das novas caras que chegaron ao club herculino e que triunfou na valoración de medios e staff. Podes revivir o primeiro partido do CRAT desta tempada nesta ligazón.
Pero agora, as herculinas afrontan este desprazamento sen case adestrar e saíndo dun confinamento. A pesar do complicada que é a situación que se está vivindo, máxime tratándose dun conxunto amateur, o CRAT Residencia Rialta está ilusionado coa volta á competición e as xogadoras viaxan a Madrid dispostas a dar todo de si para poder traer á Coruña un resultado positivo.
