O CRAT Residencia Rialta comeza o ano 2023 cunha importante vitoria 18-7 diante dun rival da zona alta de táboa clasificatoria na Liga Iberdrola de rugby, o conxunto do Crealia El Salvador.
O equipo herculino presentaba varias novidades no XV. Judith de á, Valle de flanker e Mariana e Anna Caplice formando unha parella de centros do trinque esta tempada.
O equipo do Crealia El Salvador comezou xogando no campo das coruñesas. Ao CRAT Residencia Rialta custáballe levar a iniciativa e o Chami dispuxo dun tiro a paus para abrir o marcador, aínda que o fallaron.
A primeira parte do encontro transcorreu sen moitos sobresaltos. Os dous equipos deixáronse a anotación para o tramo final. Abriu o marcador o Crealia El Salvador Chami con ensaio de Amaia Fabo e posterior transformación. Parecía que non había tempo para máis. Pero o CRAT Residencia Rialta empeñouse en terminar ben e Maica conseguiu ensaiar para poñer o 7-5 ao descanso.
Na segunda parte, as coruñesas tomaron o temón do partido. Había que cambiar a dinámica e fíxose. Era un encontro distinto, co CRAT encerrando ao Crealia El Salvador no seu campo e fase a fase ameazando cun novo pousado. Pero o ensaio non chegaba e as galegas buscaron paus. Anita puxo o 8-7.
Xa non había marcha atrás. O CRAT non cedeu no seu lanzo por gañar. Primeiro foi Quen e logo Kyra. Dous ensaios con sabor neerlandés para pechar un choque vital para as aspiracións coruñesas.
Deste xeito, o CRAT Residencia Rialta da Coruña volve gañar como local. Elviña de novo é fortín. As galegas asinan un comezo inmellorable de 2023 que inician con bo pé.
FICHA TÉCNICA
18) CRAT RESIDENCIA RIALTA: Miriam (entra Maica min. 26), Ali, Nicky; Kyra, Pimi; Anna Caplice, Valle, Maria Morant; Alba Lalín, Anita; Tania (entra Jess min. 40), Quen, Mariana (entra Leire Gorrotxategi min. 46), Judith e Elsa.
7) CREALIA EL SALVADOR: Inés Antolínez (entra Carla Méndez min. 55), María Miguel, Andrea Muñoz (entra Xema Pérez min. 58); Beatriz Rivera, Belsay (entra Patricia Carreño min. 16 e á súa vez Noelia Pessoa por Carreño no min. 65); Isabel Sierra, Jimena Parra, Emma Cleary; Alba Alpín, Elisa Castro; Tecla Masoko, Saray Avilés, Ocean Tierney, Amaia Fabo e Carmen Fernández.
ANOTACIÓNS:
- 0-7: min. 34 ensaio de Amaia Fabo e transformación de Alba Alpín.
- 5-7: min. 40 ensaio de Maica.
- 8-7: min. 61 golpe de castigo transformado por Anita.
- 13-7: min. 66 ensaio de Quen.
- 18-7: min. 71 ensaio de Kyra.
EQUIPO ARBITRAL: Iñaki Muñoz.
INCIDENCIAS: Partido disputado no Estadio Universitario de Elviña correspondente á novena xornada da liga Iberdrola de rugby.
