A liga Iberdrola de rugby volve tras unha semana de parón e regresa á Coruña. O Estadio Universitario de Elviña será o escenario do partido entre o CRAT Residencia Rialta e o Olímpico de Pozuelo a partir das 12:00 horas do domingo 23 de outubro. O partido poderá seguirse a través da web da Federación Española de Rugby.
📆 Domingo 23
⏰ 12h
🏟️ Elviña @UDC_gal
🏉 @CRAT1976 vs @OlimpicoRugby
👇As plantillas e o cartel oficial 👇 pic.twitter.com/yzrlPPJEIZ
— Fed. Galega de Rugby 🏉 (@RugbyGalicia) October 21, 2022
As xogadoras que dirixe o trío conformado por Pakito Usero, Jos Portos e Juan Carlos Fernández, cuartas na táboa con seis puntos, tentarán sumar o seu segundo triunfo en casa para continuar nas posicións que dan acceso ás eliminatorias polo título.
Pola súa banda, as madrileñas do Olímpico de Pozuelo sitúanse en quinto lugar, tamén cunha vitoria e unha derrota no seu haber, pero con dous puntos menos xa que non obtiveron bonus nos seus dous primeiros encontros.
A proposta de rugby vistoso e ofensivo que practica o CRAT Residencia Rialta que tan bo resultado ofreceu na xornada inaugural diante do Sant Cugat verase prexudicada pola meteoroloxía. O prognóstico do tempo obrigou a suspender probas deportivas na Coruña o domingo e, salvo sorpresa, a meteoroloxía tamén xogará o seu papel no partido entre galegas e madrileñas.
Coincidencias entre O CRAT de Liga Iberdrola e o da Liga Galega
O equipo coruñés ve como na lista de lesións cambian nomes pero non se altera en demasía a cantidade. Para esta xornada, ademais, súmase o partido que disputará o conxunto de Liga Galega Feminina do CRAT Residencia Rialta ás 15:30 h na Cidade Deportiva Arsenio Iglesias o mesmo día fronte a Kaleido Universidade de Vigo. Con esa premisa na mente, os adestradores das herculinas realizaron as convocatorias para os dous choques desta fin de semana.
Para o partido de Liga Iberdrola, o CRAT Residencia Rialta contará con Maica, Tere, Ali, Miriam, Carla, Valle, Kyra, Pimi, Maria Morant, Judith, Maitane, Rumi, Sina Hetet, Alba Lalín, Leire Gorrotxategi, Anita, Alejandra, Quen, Ceci, Tania, Elsa, Estela e Alborota. Destaca a volta, unha vez recuperadas das súas doenzas, de Estela Salinas e Alba Martínez Alborota, dous importantes altas para as ás ou, no caso de Estela, tamén para poder ocupar o posto de defensora.
¡Tenemos cartel para el partidazo de nuestras chicas! Tod@s a animar con fuerza, que tenemos el privilegio de jugar en casa contra un equipazo que sin dudarlo, nos brindará un buen espectáculo. Mucha suerte a ambos equipos @OlimpicoRugby@CRAT1976
Forza Crat 💪🏽💙🖤💙 pic.twitter.com/7svWNaYvfO— 🏉C.R.A.T. A Coruña 🇺🇦 (@CRAT1976) October 22, 2022
A derrota diante El Salvador na segunda xornada foi un golpe no ánimo das galegas despois da brillante estrea ligueira diante o Sant Cugat. No choque de Valladolid, como mal menor, sumouse un punto de bonus defensivo, aínda que foi un día de moitos erros impropios da calidade das xogadoras do CRAT Residencia Rialta.
As baixas obrigaron a reposicionar a xogadoras no XV inicial, como o caso de Alejandra. Así e todo, as coruñesas tiveron ocasións para levar a vitoria, caendo só por cinco puntos.
Redimirse. Esa é consígnaa para enfrontarse ao Olímpico de Pozuelo. Unha semana de adestramentos de calidade debe servir para que o CRAT Residencia Rialta, esta vez en casa, poida sumar un novo triunfo e tratar de lograr o bonus ofensivo.
O rival realizou numerosas fichaxes esta tempada e apenas tivo baixas. Olímpico de Pozuelo conta nas súas vitrinas con tres títulos de liga, un máis que o CRAT Residencia Rialta, aínda que desde 2018 a súa única presenza na fase final foi a pasada tempada.
Ver esta publicación en Instagram
O seu inicio ligueiro marcouno unha derrota cultivada en Sevilla diante Cocos, algo que entraba no guión establecido. Na segunda xornada, Olímpico de Pozuelo impúxose no derbi madrileño a Complutense Cisneros por tres puntos.
Nunha competición tan igualada como a liga Iberdrola, o CRAT Residencia Rialta sabe que será complicado superar ás de Pozuelo e que terá que despregar un rugby excelso para logralo.
Para o club galego o domingo será día de moita actividade. Ademais dos dous partidos dos equipos femininos, o equipo masculino de Liga Galega enfróntase a Os Ingleses de Vilagarcía na Torre ás 13 horas. Trátase da súa segunda cita ligueira, despois de sumar unha importante vitoria en Lalín na primeira xornada.
