Este ano as xogadoras do CRAT non poderá erguer o trofeo de campioas como fixeran nos anos 2015 e 2019. Este curso, as coruñesas quedan apeadas da loita polo título na Liga Iberdrola. A derrota co Eibar Rugby Taldea de hoxe domingo por 17-10 arrebatoulles as súas opcións de estar no play-off.
Non era doado pero se alguén sabe de pelexar cada minuto en xogo e non dar nada por perdido até que o está de xeito definitivo é o conxunto do CRAT Residencia Rialta. Con todo, e pese a loitar duro polo triunfo, as galegas remataron por perder na cancha do Eibar, conxunto contra o que pelexaba non so polos puntos en xogo, senon por facerse coa cuarta praza da táboa. Por iso, a cita deportiva de hoxe era case unha final para as galegas.
Ademais para meterse no play-off gañar ao Eibar Rugby Taldea non abondaba. O esforzo tiña que ser aínda maior. As galegas facíanlles falta vencer con bonus e facelo, ademais, por máis de 20 puntos.
Superada a media hora de xogo na cancha de Unbe o CRAT Residencia Rialta estaba sendo derrotadao por un marcador de 10-0, froito dos ensaios de Amaina e Anne.
Para colmo de males, as galegas perderon a Elsa Porto que foi expulsada por, unha presunta agresión moi protestada.
Con todo, como decíamos antes, o CRAT Residencia Rialta caracterízase por non dar nada por perdido e pelexar cada metrao. Así que, cunha xogadora menos e indo por detras no marcador desde había xa minutos, as coruñesas foron quen de reducir distancias a través dun ensaio de Claudia Barros. Había esperanza!
Empata o CRAT
Xa na segunda metade do partido o CRAT Residencia Rialta conseguía igualar o choque na cancha de Unbe cun ensaio de Elena Martínez que puña o partido 10-10.
Con ese resultado no marcador, as herculinas que adestra o dúo conformado por Helen Roca e Jos Porto empezaban a pensar que, se cadra, pese a tantas cousas en contra, podían remontar e meterse no play-off.
Pero finalmente o Eibar Rugby Taldea volvía á carga e truncaba o soño das galegas.
O conxunto local conseguía facer un ensaio por medio de Aleuzenev e por se fose pouco, Jone transformaba.
Así, cun marcador de 17-10 chegouse ao final do partido entre Eibar e CRAT. Foi tamén o punto e final das opcións que tiñan as xogadoras coruñesas para poder meterse no play-off e loitar polo título nesta campaña.
FICHA TÉCNICA
EIBAR RUGBY TALDEA: Edurne Vidal, Aleuzenev Cid, Ti Tausasosi; Lea Echevarrieta, Inger Jongerius; Asmae Ourdi, Eider Olarreta (Doha Bensalaiman, min. 40), Nerea García; Lucía Moya (C), Anne Fernández de Corres; Jone Agirrezabal (Oraçao Sambu, min. 40), Amaia Erbina, Bárbara Pla (Raquel Riera, min. 78), Uribarri Barrutieta e Amaiur Mayo.
CRAT RESIDENCIA RIALTA: Miriam Roig, Paula Burillo (Divina Leis, min. 48), Maica Martí (Carla Mosquera, min. 71); María Vega (Iria Anidos, min. 59), Elena Martínez (Tania Martínez, min. 75); Ana Montero (Maitane Buján, min. 70), Alicia San Martín, Mona Castelo; Alba Rubial, Ana Iglesias; Jesssica Martín (Lucía Hurtado, min. 62), Elsa Porto, Claudia Barrio, Yanca Almeida (Paz Marín, min. 70), Paula Requena.
MARCADOR:
5-0, min. 25: Ensaio de Amaia Erbina
10-0, min. 33: Ensaio de Anne Fernández
10-5, min. 38: Ensaio de Claudia Barrio.
10-10, min. 46: Ensaio de Elena Martínez.
17-10, min. 65: Ensaio de Aleuzenev Cid, que transforma Jone Agirrezabal.
ÁRBITRO: O colexiado Íñigo Atorrasagasti. Expulsou con cartón vermello Elsa Porto por agresión al contrario no minuto 30 polo conxunto galego. Viron cartón amarelo a xogadora do CRAT Elena Martínez (min. 25) por xogo sucio, e as do Eibar Rugby Taldea, Oraçao Sambu (min. 48) por falta reiterada de equipo, e Nerea García (min. 68) por xogo sucio.
INCIDENCIAS: Partido disputado no campo de Unbe na localidade de Eibar correspondente á xornada nº 7 da Liga Iberdrola de Rugby.
Revive o partido entre Eibar Rugby Taldea e CRAT Residencia Rialta na canle de YouTube das locais
