O Campo de Acea da Má foi o escenario no que o CRAT “B” e o Muralla RC repetiron duelo na Final da Liga Galega Feminina. Como pasou no 2018, as herculinas volveros a impoñerse as lucenses. Nesta ocasión o duelo estivo moi disputado e ambos equipos deixaron unha final para o recordo.
O encontro comezaba ben para o Muralla. Adiantáronse nos primeiros minutos cun ensaio de Vero Marí. As luguesas levaron a iniciativa cun bo xogo de dianteira e un dominio autoritario de melés e touches.
Tamén o CRAT reaccionaba e repostaba con dous ensaios. Ambos de Maitane Bujan. As adiantaba no marcador cun 12-7. Lonxe de rendirse, o Muralla, continuaba co seu traballo en dianteira. Ao filo do descanso volvían a acadar nuha gran xogada un novo ensaio individual de Mariona Bordas.
O descanso non favoreceu o equipo de Lugo. Tiña a tónica do primero tempo pero non lograron materializar os seus esforzos. Pouco a pouco o CRAT volvía a impoñer o seu ritmo de xogo. Apreveitou mellor as súas oportunidades e dominou o partido nos minutos finais.
Froito do dominio, a tan só dez minutos do pitido final, un ensaio do CRAT, de Alejandra Fernández, as poñía de novo por diante. Cun resultado de 17 a 14. O Muralla intentouno ata os derradeiros intres. O final chegou con este mesmo marcador.
Deste xeito, as coruñesas rebalidaban o título por segunda tempada consecutiva. Foi un vibrante encontro no que calquera dos dous equipos podería ser merecedor do título.
FICHA TÉCNICA
CRAT “B”: Cassidy Proctor, Iria García, Virginia Padín, Sara Boughaba, Eva Raón, Divina Leis, Danae Viñas, Coro Repullés (C), Alejandra Fernández, Silvia Vázquez, María Castro, Lucía Hurtado, Paulina Alcoleas, Selene Roz e Maitane Bujan. Tamén xogaron: Aurora Redondo, Carla Mosquera e Eva Gómez.
MURALLA RC: Ángela de la Orden, Mariona Bordas, Iria Graña, Sabela Chan, Paula Ben, Alba Mur, Elia Hernández, María Santos, Ana Sedano, María Veiga (C), Andrea Álvarez, Noemí Esteban, Vero Marí, Guillermina Fernández e Lucia Corrales. Tamén xogaron: Cristina Fernández, Manon Blanquer e Paula Valín.
ENSAIOS:
4′ Verónica Marí (Muralla RC)
8′ Maitane Bujan (CRAT “B”)
23′ Maitane Bujan (CRAT “B”)
40′ Mariona Bordas (Muralla RC)
60′ Alejandra Fernández (CRAT “B”)
TRANSFORMACIÓNS:
5′ Ana Sedano (Muralla RC)
24′ Divina Leis (CRAT “B”)
40′ Ana Sedano (Muralla RC)
ÁRBITRO: Pablo Vázquez Leal.
