Quedan tres xornadas para o final de liga regular na Liga Iberdrola de Rugby feminino. O ser ou non ser de moitos equipos pódese decidir nos cruces finais. É o caso do CRAT Residencia Rialta que non só ten un partido importantísimo contra un rival directo, se non que o resto de cruces poderían beneficiarlle e dar como resultado que as galegas subisen varios postos na táboa clasificatoria esta xornada. A cita é o sábado 15 ás 14:30 horas en Elviña (A Coruña), o partido será arbitrado por Andrés Rodríguez.
O conxunto coruñés mídese ao terceiro, Sanse Scrum, que é o equipo revelación da tempada. Na primeira volta, o CRAT foi quen de imporse ás madrileñas no seu campo por un tanteo de 19-27. “Alí gañamos cando ían de líderes”, lembra Jos Portos, adestrador das herculinas. “Se lles considera equipo revelación debido a que o ano pasado xogaron o play off pero fan un rugby moi agresivo. Xogan moi ben. Aí están os resultados”.
Agora, o Sanse Scrum aterra coma visitante a Elviña logo de dúas xornadas perdendo. É un arma de dobre fío. Poderían vir a Galicia baixas de moral, ou ben rabeando por acadar un triunfo sanador. Na cabeza de Jos Portos a opción que ten máis posibilidades de darse é a segunda. “Coñecendo quen as leva, e o espíritu do equipo, opto pola segunda opción. Virán aquí co cóitelo entre dos dentes e a por todas”.
Jos Portos, adestrador do CRAT: “Coñecendo quen as leva, e o espíritu do equipo, o Sanse virán aquí co cóitelo entre dos dentes e a por todas”
Desde o corpo técnico do CRAT Residencia Rialta, Jos Portos apunta que este cruce será para o Sanse Scrum “un mach ball, xa que se meterían case seguro no play off. E teñen dúas derrotas seguidas debido a que tiñan falta de xente. As baixas pasáronlles factura. Teñen xente convocada coa selección nacional de Seven. Esto lles está a pasar factura en forma de baixas tanto en número como en calidade, son internacionais. Pero á Coruña veñen con todo”, advirte Portos.
No reforzos cos que contou o Sanse Scrum este inverno foi a incorporación de Ángela Pan, ex INEF de Barcelona que este ano está a vivir en Madrid e que decidiu incorporarse ao Sanse.
Sen Kate e sen Alba
Dúas son ausencias coas que terá que lidiar o CRAT para este encontro. Por unha banda se alonga máis do esperado a baixa da medio melé Alba Ruibal. O que parecía rotura de fibras que non iría máis aló das tres semanas segue a impedirlle á xogadora participar e no corpo técnico do club coruñés teñen claro que “non se pode forzar”.
Jos Portos, adestrador do CRAT: “”Non haberá suspensión cautelar da sanción a Kate”
A esta baixa por lesión súmaselle a importantítisma a baixa de Kate Matau por sanción. “Fixemos alegacións, pero para este partido non estará dado que non haberá suspensión cautelar como pedimos”. Pendentes da resolución das alegacións por parte do Comité de Competición, o CRAT podería perder a esta xogadora polo que resta de tempada dado que está sancionada por sete encontros.
Cun ollo posto no partido de Complutense e Cocos
O cruce entre CR Complutense Cisneros, cuartas clasificadas, e o Corteva Cocos Rugby, líderes, pode facer que se gañan as coruñesas, logren meterse no ansiado Top4. Con todo, o adestrador Jos Porto ten claro que hai que ir paso a paso. “Nós, ao noso. Pero botando as contas, se gañamos, e perde, Complutense podemos acabar a xornada de terceiras e dar un paso de xigantes. Pero iso son castelos no aire”, advirte.
Pensando en seguir subindo na clasificación pero sempre que se gañe ao Sanse
A partir desta xornada, sobre o papel, o calendario beneficiaría ás coruñesas. Terán que enfrontarse a CR Olímpico de Pozuelo na súa casa, e recibir ao Crealia El Salvador en Elviña. “En teoría temos os partidos máis asequibles e enfrontamentos directos dos de arriba. Na miña cabeza está alcanzar a segunda praza se o gañamos todo”, confesa Jos Porto.
Jos Portos, adestrador do CRAT: “En teoría temos os partidos máis asequibles e enfrontamentos dos de arriba. Na miña cabeza está alcanzar a segunda praza se o gañamos todo”
De cara aos seguintes partidos, o técnico galego admite que lle da certo “medo o Pozuelo por que é un campo de xogo que tradicionalmente non se nos dá ben. É moi árido, é de herba artificial… sempre nos custa un pouco máis entrar no partido. Pero iso é para a semana que ven, agora estamos centrados en este que é a cara ou cruz”.
