O CRAT Residencia Rialta continúa a súa participación na Copa da Raíña de rugby dentro da 2ª serie xogando mañá sábado co Eibar RT ás 11:28 horas. O segundo partido será co León RC ás 14:12 horas e o terceiro contra as anfitrioas, o CR Sant Cugat ás 17:18 horas.
O sorteo desta segunda serie da V edición das GPS 7s Copa da Raíña Iberdrola, que este ano 2022 volveu ao seu formato habitual de tres sedes, celebrouse esta semana na sede da Federación Española de Rugby (FER) e deu como resultado que o CRAT Residencia Rialta quedase encadrado no grupo A. Xustamente no que están o equipo que actúa como anfitrión da cita, o CR Sant Cugat
Se a semana pasada os campos da Cidade Deportiva Arsenio Iglesias da Torre de Hércules na Coruña acollían a primeira das series, esta fin de semana a competición pon rumbo a Cataluña. O sábado 7 e o domingo 8 se celebrarán os partidos. A vindera semana será a quenda de Eibar que albergará a terceira e última serie os próximos 21 e de 22 de maio.
O sorteo estaba marcado pola clasificación da primeira serie, na queo CR Sant Cugat foi campión, seguido de Complutense Cisneros e CR Majadahonda. Todos eles foron cabezas dos Grupos A, B e C, respectivamente.
Entraron tamén no bombo, segundo informa a Federación Española de Rugby: CP Les Abelles, Rugby Turia e CRAT Residencia Rialta, así como Eibar RT, CDU Sevilla e Olímpico de Pozuelo, e, por último, ADI Industriales, Sanse Scrum RC e León RC. O resultado do sorteo foi este:
👉🏻Los horarios de los partidos del @CRAT1976 @rialtacoruna para la 2ª #GPS7s @CopaReina7s que organiza @rugbysantcugat
📅 Sábado 8
🏟 La Guinardera
📺 @ferugby TV
⏰ 11.28 vs @eibarugbytaldea
⏰ 14:12 vs @LeonRugbyClub
⏰ 17:18 vs @rugbysantcugat #FamiliaCRAT pic.twitter.com/0xK8HIxq1W— 🏉C.R.A.T. A Coruña 🇺🇦 (@CRAT1976) May 5, 2022
