Chegou o comezo de liga para o CRAT Residencia Rialta. As coruñesas inician un curso máis na máxima categoría do rugby feminino estatal. O debut será na casa, na cancha de Elviña, ante o Complutense Cisneros hoxe sábado 2 de outubro ás 16:00 horas.
Hoy Sabado
⏰16h
️ Elviña
CRAT @rialtacoruna – @Rugby_Cisneros
️ Socios y escuela Gratis
No socios 5€La previa ️https://t.co/rtM6Pves4G
Alineación pic.twitter.com/FxuNg4p1Fg
— C.R.A.T. A Coruña (@CRAT1976) October 2, 2021
O pasado curso as galegas finalizaron en quinta posición a tempada, foi un curso de transición. Este ano un renovado CRAT aspira a meterse no play-off polo título. Nas súas filas hai caras novas, incorporacións que pretenden aportar mellor nivel ao conxunto, pero pola contra, as seareiras botarán en falta rostros tan emblemáticos como o de Mónica Castelo ou Elsa Porto, que este ano non defenderán a elástica herculina.
Mónica Castelo pon rumbo a Rennes, Francia, onde se sumará á disciplina do Stade Rennais Rugby, club da primeira división. Logo da que foi a súa mellor tempada deportiva, Mona Castelo decide subir un chanzo en canto a esixencia e asumir o reto de participar nunha das competicións máis duras do Rugby Internacional.
Pola súa parte, Elsa Porto deixa A Coruña con destino a Barcelona por motivos laborais. Aínda que se resiste como todo bo rugbier a colgar as botas, a súa dedicación ao oval pasará a un segundo plano, pero colaborará en todo o que poida co Sant Cugat, equipo recentemente ascendido á liga Iberdrola de rugby.
En ambos os dous clasos, desde o club coruñés agradécenlles o aporte destes anos e deséxanlles o mellor nestes retos deportivos e persoais, lembrándolles que o CRAT “sempre será a súa casa”.
O rival do CRAT é o vixente campión: Complutense Cisneros
De volta ao arranque de Liga na División de Honor feminina, o CRAT Residencia Rialta mide forzas cunha pedra de toque de nivel: o Complutense Cisneros. O conxunto madrileño proclamouse campión do pasado exercicio 2020-21, tanto nas modalidades de quince como de seven. Así, as primeiras contrincantes das galegas son, a priori, o rival a bater para todas as escuadras que integran este curso a liga Iberdrola e que soñan con alzarse co campionato esta tempada.
Varios puntos xogan en contra das coruñesas para o arranque do ano. Un, “a falta de rodaxe, é xa un clásico, pero a falta de equipos de categoría nacional no noroeste peninsular, sumado ao atraso do calendario do resto de competicións respecto da máxima categoría, converten ao mesmo nun problema de difícil solución”, lembran desde o CRAT. Doutra banda atopámonos con que o equipo conta con varios xogadoras clave que arrastran lesións desde a pasada campaña, segundo adiantan desde o conxunto herculino.
A pesar de todo o corpo técnico considera que ten un bloque que, aínda que “irá gañando enteiros co paso das xornadas, ten calidade e ilusión máis que suficientes para plantar cara a calquera rival, mesmo a Complutense Cisneros, gran dominador do oval feminino a pasada campaña”, advirten.
