Non tuvo moito chance o HC Coruña diante dun imparable CP Vila-Sana Coop D’Ivars que se impuxo ás galegas por un tanteo de 1-4. Sobre o papel as catalás era superiores, na pista demostraron que era así.
O CP Vila-Sana Coop D’Ivars aterrou en Riazor deixando moi claro por que é o vixente campión da Copa Intercontinental disputada en San Juan en 2024. Desde o primeiro minuto asumiu o rol de favorito, marcando un ritmo altísimo de xogo, con longas posesións e transicións veloces que obrigaban ao HC Coruña a resistir atrás e buscar osíxeno nas contras.
Ese inicio fulgurante tivo premio moi pronto: con apenas dous minutos disputados, a flamante fichaxe Aina Florenza inauguraba o marcador cun remate que poñía o 0-1 e mostraba as intencións dun CP Vila-Sana Coop D’Ivars que non daba respiro. O dominio visitante mantíñase impoñente, e no minuto 10, a propia Aina ampliaba distancias asinando o seu dobrete.
Sen tempo para reaccionar, só un minuto máis tarde chegaría o terceiro. A ex xogadora herculina Bea Gaete volvía a Riazor para anotar o 0-3 e consolidar o control absoluto das da Terra Ferma.
/ MANU BOUTUREIRA
A pesar da diferenza, o traballo defensivo do HC Coruña e as intervencións dunha inspirada Uxue evitaron un marcador aínda máis amplo.
Na segunda metade mantívose a superioridade do CP Vila-Sana
A tónica da segunda parte mantívose: un HC Coruña combativo fronte a un CP Vila-Sana Coop D’Ivars ben asentado na pista.
O arranque tras o descanso volveu ser letal para as galegas, co terceiro gol de Aina Florenza que poñía o 0-4 para as visitantes e reflectía a súa superioridade.
Aínda así, o Coruña non baixou os brazos e, nunha contra perfectamente executada, Jana Crespo recortou distancias co 1-4 que deu aire e empuxe ao equipo local.
/ MANU BOUTUREIRA
Pese ao tanto, o partido seguiu co mesmo guion: un CP Vila-Sana Coop D’Ivars dominador en ataque e unha Uxue inconmensurable baixo paus, sostendo ás herculinas ata o final.
O marcador xa non se moveu e o encontro concluíu con vitoria visitante por 1-4.
