A Federación Galega de Ciclismo faise eco dun documento elaborado pola Asociación do Deporte Español (ADESP) que, tal e como explican, fíxose “co espírito de presentar o deporte como unha solución a moitos dos problemas aos que o noso país vai ter que enfrontarse nos próximos meses”.
O documento leva o título O ‘Plan de Reconstrución e Activación do Deporte Español’ e, contan desde a FGC que “foi concibido como a viaxe post-Covid 2020-2021”. Conta con epígrafes como “Clubs deportivos e federacións ante a crise do COVID-19”, “Importancia da supervivencia dos clubs deportivos tras a crise do COVID-19”, “Federacións deportivas españolas ante a crise do COVID-19”, “Redemento deportivo”, “Estrutura financiera”, “Xestión organizativa”, “Axudas e integración social”, “O deporte como palanca para a recuperación socioeconómica”, etc.
E logo do COVID-19, que?
Neste ‘Plan de Reconstrución e Activación do Deporte Español’ elaborado como ferramenta para o debate pola ADESP Tamén se inclúen propostas en forma de medidas e recomendación tanto no ámbito da transformación dixital como na área xuridico-laboral, administrativa ou económica.
A Asociación del Deporte Español, segundo explica a organización na súa propia web, “está constituida polas Federaciones Deportivas Españolas. Esta entidade nace co obxectivo de pór en valor o Deporte Federado, para poder ser considerados como un dos actores imprescindibles no desenvolvemento deportivo do noso país”. Entre as federacións integradas figuran a de baloncesto, xadrez, halterofilia, rugby, remo, balonmán, béisbol, esgrima, ximnasia, golf, judo, karate, voleibol, vela ou bolos, entre doutras.
