Gran éxito e moita velocidade no Coruña21

O Coruña21 foi todo un éxito. Voaron os preto de 2.000 atletas polo centro da Coruña. En categoría feminina, a vencedora foi a atleta de Zafra (Badajoz) Mónica Gutiérrez, que cruzou a liña de meta en 1 h13:37, con case catro minutos de vantaxe sobre a marroquí Asmae Ghizlane (1 h17:32).

As dúas encabezaron a proba nos primeiros quilómetros coa tamén africana O Bajjaoui Hanane, que caeu á cuarta posición final (1 h21:00) ao verse superada pola portuguesa Marisa Barros, quen completou o podio (1 h18:09). A galega Paula Mayobre, da localidade coruñesa de Ares, quedou a medio minuto de Hanane e acadou unha gran marca.

1 de 6

- +

Imaxe de arquivo da celebración dunha edición de Coruña21 / CONCELLO DA CORUÑA

Contra vento e marea (esas eran as dúas alertas meteorolóxicas de onte na zona), case dous mil participantes executaron a proba de madurez dun medio maratón que abre o ciclo das tres grandes este ano (por diante, Coruña10 o 26 de abril e Coruña42 o 4 de outubro). Coruña21 tamén tivo un carácter inclusivo ao facilitar a participación de persoas con diferentes tipos de discapacidades. Ademais, estendeuse unha lona para sensibilizar á poboación sobre as enfermidades raras e recoñeceuse o labor da Marcha pola Paz e pola non violenca.

1 de 3

- +

Presencia de Rey

A alcaldesa, Inés Rey, e o concelleiro de Deportes, Juan Ignacio Borrego, participaron este mediodía no Obelisco na entrega de premios da duodécima edición do medio maratón C-21, que congregou a case dous mil deportistas entre as 10.00 e as 12.30 horas e na que se proclamaron gañadores o keniano Hosea Kiplimo e a extremeña Mónica Gutiérrez. O africano bateu o récord da proba coruñesa cun tempo de 1h02:30, mentres que a atleta de Badaxoz cruzou a liña de meta en 1h13:37.

1 de 7

- +

Dorsais verdes

O percorrido da proba partiu dende o Obelisco ata a Dársena de Oza e dende alí ata a rotonda das Ánimas, no dique de abrigo. Un punto ecoloxista tivo a proba xa que a organización do medio maratón Coruña21, a cargo da Federación Galega de Atletismo e o Concello da Coruña, realizou unha forte aposta pola sustentabilidade, ata o punto de que os dorsais (reciclables) estaban fabricados con sementes que os atletas poderían germinar tras a carreira. As medallas de finisher eran de madeira.