Hai anos, na Coruña, o balonmán feminino contaba un representante de peso, o Balonmano Coruña, que chegou a estar no máis alto. Desde hai tempo esta disciplina foi perdendo forza na cidade herculina pero agora está a agromar novamente con certo pulo. Un dos sináis é o feito de que o vindeiro ano este concello podería contar cun equipo na máxima categoría autonómica feminina: o Balonmán Brigantium.
O club coruñés anunciu a súa intención de competir o vindeiro curso na categoría sénior feminina galega. Segundo explican desde a entidade, esta decisión responde a un camiño que vén de atrás. “Desde o comezo da andadura do noso club, na tempada 2018/19, fomos cubrindo diferentes hitos e medrando aos poucos en número de xogadoras e tamén en estrutura. Os pequenos logros están aí”, din desde o Balonmán Brigantium.
Desde a entidade deportiva herculina salientan “o campionato cadete de Segunda División acadado en 2019, contar cun equipo xuvenil compitiendo en División de Honor en 2020 e xuvenís e cadetes en División de Honor en 2021”.
Todos eles pequenos hitos ligados a unha base que agora pretende dar o salto á máxima categoría autonómica que depende da Federación Galega de Balonmán.
Hace dos años un equipo novato llegó a Moaña y sorprendió a todo el mundo.
Un fin de semana inolvidable en el que las #leonas consiguieron el título en el primer año de vida del Club pic.twitter.com/J4nMayBqvS
— Balonmán Brigantium (@BmBrigantium) March 31, 2021
“Como queremos seguir avanzando, a Xunta Directiva decidiu continuar mellorando o proxecto e, por elo, anunciamos que para a vindeira tempada (2021/22) o noso club competirá en categoría sénior autonómica”, indicaba desde a súa páxina o Balonmán Brigantium. Até o de agora o conxunto coruñés militaba na División de Honor galega en categorías cadete e xuvenís.
Que equipos militan na 1ª Senior Galega Feminina?
Este curso 2020-21 militaron na categoría de Primeira Autonómica Feminina clubs das catro provincias galegas: A Coruña, Lugo, Ourense e Pontevedra. Figuran como participantes na web da Federación Galega de Balonmán, equipos como: BM Camariñas Conservas Boya Encaixe, Clube BM Tui, De Pueblo Carnicería BM Pabellón, Millaven Centro Jardín CP Lucense, BM SD Samertolameu, Teucro AYF Correduría, Goldie Xiria Carballo Turismo e o BM Seaplast Cañiza, Cies OBra Civil BM Chapela, Gescolor Bueu Atlético BM, Mantido SL Constr. BM Xallas, BM Caselas, AD Carballal BM, Seis do Nadal Coia, Coreti Lalín e Galicia Social.
A competición tivo unha liga regular composta polo Grupo A e B con oito clubs cada una, facendo así un total de 16 equipos en liza. Logo desa parte houbo unha nova fase competitiva na que uns conxuntos loitaron polo título, e outros pola permanencia nesta categoría autonómica galega.
No Brigantium din buscar: “Fomentar a práctica do balonmán feminino”
Segundo relatan desde o club coruñés desde o principio “o obxectivo” desta entidade deportiva ten sido “fomentar e propiciar a práctica do balonmán feminino na Coruña. Comezamos desde a base e agora damos o paso de medrar por arriba pra dar saída a aquelas xogadoras que veñen formando parte dos nosos equipos e que abandonan as categorías de formación”. Deste xeito, o BM Brigantium ofrécelles a “oportunidade, ás que queran incorporarse ao novo equipo”.
No comunicado no que fan pública a súa decisión de xogar na Primeira Autonómica Feminina, desde o Balonmán Brigantium apuntan que “desde a desaparición do Club BM Coruña, que chegou a estar na máxima categoría española, non houbo na nosa cidade un equipo senior feminino do nuestro deporte. Non aspiramos, por ahora, a chegar tan alto, pero si queremos iniciar un camiño e oxalá poidamos recuperar unha parte da afición que houbo na nosa cidade ao balonmán femenino”.
Un equipo sustentado pola canteira pero con reforzos
Desde o Balonmán Brigantium explican que sobre a base das xogadoras xuvenís “que estas dúas últimas tempadas xogaron no noso equipo, e as futuras incorporacións que iremos facendo nos vindeiros meses, buscaremos crear un grupo competitivo que poida medirse de ti a ti co resto de equipos da categoría”.
“Buscaremos crear un grupo competitivo que poida medirse de ti a ti co resto de equipos da categoría”.
Na idea do Balonmán Brigantium está seguir “traballando durante mente coas nosas categorías inferiores, pero as nosas leoas, tendrán, a partir da próxima tempada, un espello no que mirarse e a ilusión de que, algún día, poderán chegar a xogar co primeiro equipo”.
Venga, va, que esto no para….
Mañana anunciamos los dos primeros “fichajes” senior para la temporada que viene
Una pista… Los número 23 y 42 tienen dueñas desde hace tiempo#leonas #equipobrigantium https://t.co/j5qYVcJrjH
— Balonmán Brigantium (@BmBrigantium) March 25, 2021
