A Copa da Raíña 7s Iberdrola está á volta da esquina e a cidade da Coruña será unha das sedes. A cidade herculina acollerá o campionato no que o CRAT Residencia Rialta, o CR Majadahonda e o CR Hortaleza son cabezas de serie.
A primeira sede da competición celebrarase na localidade galega entre o 19 e o 20 de xuño, con Elviña como escenario da Copa. A segunda serie terá lugar en La Guinardera, en Sant Cugat, durante a fin de semana do 26 e 27 do mesmo mes.
O CR Majadahonda parte como claro favorito, ao ser o tricampión da competición e vixente vencedor, ao levarse a edición do 2019.
Pola súa banda, o CRAT Residencia Rialta parte como cabeza de grupo B, ao resultar segundo clasificado da última competición, celebrada no 2019.
O resto de competidores da Copa da Raíña 7s
En total, 12 clubs participarán nesta competición divididos en tres subgrupos. O CRAT, Majadahonda e Hortaleza competirán co Sanse Scrum, Olímpico Pozuelo, Cisneros, Sant Cugat, ADI Industriales, León RC, CR Turia e CDU Sevilla.
Haberá que agardar ata o 24 de maio, ás 12:00 horas, para coñecer o sorteo que clasificará aos distintos equipos nos tres grupos xa existintes.
Segundo informa a Ferugby nunha circular, todos os participantes da Copa recibirán puntos segundo a súa clasificación final obtida en cada unha das series. O gañador total virá determinado polo equipo con maior número de puntos, unha vez finalicen ambas series.
