O XXVI Campionato de España de federacións autonómicas infantís de Golf “IX Memorial Blanca Mayor” se realizará desde mañá, sábado 9 de outubro, até o martes 12 (festivo) nos campos do RCG da Coruña. A proba regresa dous anos despois da última entrega con 119 novas e novos golfistas que volven a gozar dunha competición de máximo nivel por equipos. A concelleira de Deportes do Concello da Coruña, Mónica Martínez, presentou en María Pita a competición.
O RC de Golf da Coruña xa fora sede desta cita
A concelleira sinalou que o Concello da Coruña aplaude a celebración dun novo campionato de ámbito nacional que achega á cidade un total de 17 equipos de todas as comunidades do país, e, destacou o significado especial que ten, pois coa súa celebración segue viva a tradición do Real Club de Golf da Coruña que, en 1978, foi sede deste campionato, o primeiro campionato de España da modalidade que se celebrou na historia deste deporte de Galicia.
Mónica Martínez manifestou as gañas que ten a cidadanía de vivir o deporte e, por iso, dixo, celebramos cada campionato, cada proba, cada evento, como se fose un gran fito. A concelleira agradeceulle ás persoas da organización o seu labor e responsabilidade para que todas e todos podamos gozar do deporte.
“A nosa obriga é achegarlle ao público todos os deportes. Darlles visibilidade”, dixo a concelleira, que engadiu que desde o Concello se segue a traballar para consolidar o deporte como unha das nosas principais liñas de acción. “Traballamos de maneira transversal para integrar o deporte na cidade, porque sabemos que o deporte fai cidade. Apoiamos proxectos como o voso, que serve para que A Coruña se converta no escenario de probas deportivas de interese, o que supón un gran impacto na nosa economía”, sinalou.
Mónica Martínez, concelleira de Deportes da Coruña: “Traballamos de maneira transversal para integrar o deporte na cidade, porque sabemos que o deporte fai cidade. Apoiamos proxectos como o voso, que serve para que A Coruña se converta no escenario de probas deportivas de interese, o que supón un gran impacto na nosa economía”
No acto, a concelleira coruñesa, Mónica Martínez, estivo acompañada por Luis Quiroga, presidente do RCG de A Coruña; Florencio Martín, xerente do Real Club de Golf; Juanjo Grañeda, director deportivo do comité xuvenil da Federación Española deste deporte; Fernando Pacheco, vogal do comité xuvenil; Jaime Diaz-Pinés, vogal do comité; Elena Gómez, xerente da Federación Galega de golf, e Jose Ramón Ramos, presidente do comité xuvenil da Federación Galega de golf.
Algúns clubs xa están na cidade como é o caso do equipo da Comunidade de Murcia