O Campionato de España de Tríatlon por Clubs e Remudas mixtas e a Copa do Mundo de Paratríatlon terán á cidade da Coruña como escenario esta próxima fin de semana.
En palabras da concelleira de Deportes, Mónica Martínez, o domingo celebraránse “unhas das probas máis agardadas”, que converterán de novo a cidade nun escenario deportivo mundial.
A seis veces campioa do mundo de Paratríatlon, Susana Rodríguez, asegurou que a cidade era ideal para este deporte xa que ten “un dos circuítos máis apaixonantes pola súa contorna”. A concelleira definiu á deportista como “todo un exemplo de superación, valentía, coraxe, exemplo de vida”.
Sobre o mundial de Paratríatlon, Mónica Martínez destacou que “o soño olímpico de moitas e moitos paratriatletas pasa por aquí”, en referencia á última cita do ciclo pre-olímpico de cara a se clasificar para Toquio 2021.
Mónica Martínez, concelleira de Deportes da Coruña lembrou que a esta é a última cita do ciclo pre-olímpico e, por iso: “O soño olímpico de moitas e moitos paratriatletas pasa por aquí”
No acto tamén participaron Jorge García, director de Competicións da Federación Española de Tríatlon, e Gonzalo Triunfo, presidente da Federación Galega de Tríatlon. O primeiro deles sinalou a sintonía entre a federación e o Concello, afirmando que “estamos ao final dun longo proceso. A Coruña non puido albergar o que estaba formulado para 2020”, pero baixo o prisma de que o deporte non é un problema, senón a solución, finalmente poderanse disputar ambas competicións seguindo os protocolos de seguridade.
📣A edil de Deportes, Mónica Martínez, presentou o Campionato de España de Tríatlon por Clubs e Remudas mixtas do sábado e mais a Copa do Mundo de Paratríatlon do domingo, “unhas das probas máis agardadas”, que convertirán a cidade nun escenario deportivo esta fin de semana. pic.twitter.com/SCavn8X6kY
— Concello da Coruña (@ConcelloCoruna) June 17, 2021
Tríatlon sostible
A edila destacou a profesionalidade e a enorme sensibilidade da Federación Española e sinalou que os valores medioambientais potenciados polo Concello permitirán que A Coruña luzca durantea competición a bandeira Green Sport Flag. A distinción, apoiada polo Consello Superior de Deportes, diferencia aquelas sedes que cumpren con requisitos esixentes relacionados coa sustentabilidade.
Coa celebración destas dúas probas baixo a bandeira verde, A Coruña súmase ao club de cidades españolas con esta particularidade xunto a Barcelona, Madrid, Valencia ou Sevilla e sitúase unha vez máis como destino ideal para a práctica deportiva, especialmente na contorna náutica.
