O campionato de maior nivel do golf feminino amateur nacional celebrarase na Coruña. Será do 31 de maio ao 3 de xuño, nas instalacións do Real Club de Golf de A Coruña.
Esta non é a primeira vez que o club galego acolle un Campionato de España. Xa o fixera no ano 2013, cando Ainhoa Olarra proclamouse campioa.
A edición anterior deste torneo celebrouse no club valenciano Escorpión, con Carla Benet como gañadora. Nas anteriores as campioas foron María Villanueva, Marta Pérez e Paula Neira.
No Campionato de España de 2021, as galegas competirán en casa, pero terán que enfrontarse a deportistas de moi alto nivel de todos os puntos do país.
Por outra banda, este será o terceiro ano no que a competición conmemore o memorial Emma Villacieros, presidenta da Real Federación Española de Golf desde novembro de 1988 ata novembro de 2008, falecida en maio do 2018.
Na lista de competicións da RFEG aparece a proba como a última do mes de maio.
🏌️♀️A Coruña foi designada como sede do Campionato de España Individual absoluto feminino de Golf que se xogará do 31 de maio ao 3 de xuño de 2021.
⛳️O Real Club de Golf da Coruña, na Zapateira, confirmou que acollerá o torneo. pic.twitter.com/dLr2Jx2aCT— A Coruña Deportes (@coruna_deportes) January 11, 2021
